|
رد: استفسار يا مستوى خاااامس .. لا تطنشوني
ماقلت انك معصب او متوتر الا عشان ابتعد عن اي مصطلح
ما يليق اكتبو في منتدى تعليمي ..
ولّا ترا انا فبالي كلمات كثير تصف طريقة كلامك الفقيره للذوق!
يمكن هذا طبعك ولا انتا حاس بنفسك عشان كذا انا مطنشه ومتحملتك
واحاول انهي الهرجه السقيمه اللي بيننا بدون مشاكل
وبنفس الوقت ضميري يأنبني لأنك اديتني من وقتك
وانا ما احب ازعل فاعل الخير رغم انك تبني من هنا وتهدم من هناك ...
عمووووماً يا متذاكي لما تجي بتحجّر لأحد حاول تفهم كويس بالاول
عشان لا يسير شكلك بايخ ..
رغم انو الهرجه عدتها ستين مره بس شكلو عقلك مبرمج على انو مافي احد
يعرف ينصح صح غيرك ولا تقلي دحين من فين عرفتي كمان لأنك لو رجعت
قريت كلامك رح تشوف الشي هذا ..
انا قلت لا يأجلو شي لـ مستوى ثالث عشان الثالث تخصص
ويضغطو نفسهم ب ثاني ويرتاحو من أولها ..
اشرح اكثر من كذا مافيا !!
وبصراحه ما قرأت الا اول كم سطر من كلامك فما
ادري لو فيه حاجه كمان تستاهل الرد بس منجد ماراح اقدر على استفزازك
بدون لا اخربها معاك واقلك كلام يزعل وهذا اللي ما ابغاه
لأني كل مره اقرأ واتحمل واحاول ابدي الاحسان
رغم انو ماني شايفه اسلوبك يستاهل > كيف بس وانا اعاملك بالمثل؟؟ ..
زبدة الموضوع ما ابغى اقلب الصفحات ل شات
في النهايا لا هوا موضوعي ولا موضوعك.
-انتهى-
سبحانك اللهم لا اله الا انت استغفرك واتوب اليك
|