ملتقى طلاب وطالبات جامعة الملك فيصل,جامعة الدمام - عرض مشاركة واحدة - النتائج غير مرضيه للجميع ( يوجد خلل في رصد الدرجات)

طالب مشاغب · 2015- 1- 21

اقتباس:

المشاركة الأصلية كتبت بواسطة Khawla.h

اعذرني يا صاحب الموضوع لكن أحس في مبالغة وتهويل من ناحية المظلومين -زي ما تسمونها- والأصح عدم دراسة حقيقية :)

بلاش نكذب على بعض ولا في ظلم ولاهم يحزنون والظلم إذا موجود فهو في حالات معروفه

بعدين متى البعض راح يفهم إنه ترا مو واحد خسيس ونذل وحاقد عليك يصحح هو الكمبيوتر يدخلون الورقة ويرصد الدرجات

عادي ترا ما فيها شي إذا قلت أنا ما ذاكرت ميه ميه

" والصراحه " الظلم مو منهم الظلم مننا إحنا ولا المناقشات والغشششش عيني عينك اللي ثلاثة أرباعها نفس الإجابة!

بس يزود حرف ولا يكتب هلا... هذا مو ظلم !؟؟

والواجبات بالمنتديات تنزل كاملة وهذا غلط لأنه غش وبعد مش مرضيتكم الدرجات!

بصراحة لو كنت أشتغل على النظام كان علمتكم :) حلوه ذي

وكل سنه هالمواضيع وآلاف يدخلونها ويعيشون دور الضحية عجبي!

وياليتني مشرفة بعد كان بردت حرتي شوي من هالكذب من البعض .. وأطرب العضو يومين عشان يبطل بلبله

أخت خولــــة
شفـيكـ مدرعمة على الشعب

لا تتعبين نفسك .. انتي اشتغلي بس على أخطائك الإملائية
واتركي عنك نظام الجامعة واشراف المنتدى

أجل
ناوية تستقعدين بالنظام ..
اتركي الاستقعاد والفلسفة اللي ما لهـا داعي ..
والصحيح اذا بغى الدكتور يطبق النظام ..
إنك تشيلين عفشك من الجامعة

ترى ما أبرر للنسخ واللصق او الطلبة اللي ما يذاكرون ..كل طالب يتحمل عواقب كسله..
بس لا ترقصين على جراحهم..ما يصير هالـكلام ..

وأصلا .. الموضوع بـ جهة و مشاركتك بـ جهة ثانية ..
مشاركتك شاطحـة ..يعني مدري وش أصنفها..
موعظة
عتاب
نصح
توجيه
شكلك زعلانة من لف ورق العنب .. وحطيتي حرتك هنا

عمومـــا
هالكمبيوتر اللي ما يغلط بالتصحيح .. برد عليك ..وأقول لك ..
ترى أنظمة الجامعة بكبرها مخبطة
اجل
- وش تقولين عن الترم اللي فات والأصفار اللي تنزل للطلبة
- وش تقولين عن تعطيل الصيفي بحجة تطوير السيرفرات وفي الأخير كأنك يا بوزيد ما غزيت..
- وش تقولين عن تعليق الخارطة الاكاديمية اللي ما تتحدث الا كل اسبوع ..واخرتها خبطت علينا قبل الاختبار كم يوم .. وصارت الشاشة كلها اكس احمر ..<< أمي تسأل وش ذا ؟؟
قلت : أبد .. من تطوير جامعتنا صرنا نشتري صندوق طماط من عندهم

دخلنا هالترم..وقلنا بس..
هالحين بننذهل من تطويرات السيرفرات .. والمحاضرات بتنزل بوقتها ..
والا انصدمنا .. هذا سعيدان وهذي خلاقينه ..

صاحـب الموضوع
سجلني عندك متضرر من رصد الدرجات
لأن درجاتي أغلبها B+
واكتشفت بالصدفة بعد كم يوم .. ان الجامعة منقصيني 8 درجات بالمشاركة
والا درجاتي الحين A+
ترى الترم اللي طاف خصموا مني درجتين .. ومع ذلك ما رفعت تظلم ولا سويت أكشـن .. لأنه طززز فيها..
وصرت أقول لجامعتي .. مسموح ما جاء منك يا الزين

بس 8 درجات <<صراحة شوي مزحة ثقيلة

وأول مرة أتعرض للموقف هذا .. وعموما الى الحين مراسلات مع الجامعة
لأن المعدل كذا بينضرب ..والسجل الاكاديمي اللي بيتضرر ..

وأرجع وأقول
احبك يا سعيدان قصدي يا جامعتي