1-إنستـرومنتيشـن آنـد بـروسيس كنتـرول:
ماده مهمـه جداً و يبغالك تعطيهـا حقهـا وتتـابع أول بـأول لان الـدروس مترابطة ببعـض والمنهـج دسم جـدا بالمعلومات
بتدرسون بشكل اساسـي طريقـة التحكم بالمتغيـرات كالضغط والحرارة والمستوى ومعدل التدفق عن طـريق أجهزة التحكـم إما يدوياً او اوتوماتيكياً وكذلك كيفيه التحكم بصمام التحكم (control valve) وأنـواع الاشـارات الإلكترونية وكيفيـة ارسـالها.
بالنسبة للمدرسين من وجهة نـظري :
النظري : غالباً د. ياسر هريدي [مصري – كندي ]هو اللي يمسك النظري لحاله واحيانا يمسكها معه مدرس ثاني ، د. ياسر ممتاز ومتمكن في الشرح لكن مستوى شرحه قد يكون اعلى من مستوى طلاب الدبلوم واختباراته حريقه لكنه يطبق نظام الـ average في وضع الدرجـات يعني الدرجات تكون جيده جدا عنده
العملي : أحيانا أمجد نافيد [باكستاني] يمسك عملي وهو ممتاز شرح ودرجات واحيانا محمد الزهراني يمسكها وبرضو ممتاز في الشرح والدرجات واحيانا يوري [فلبيني] ويعتبر سيء في الدرجات على كلام اللي درسو عنده بس انه جيد في الشرح .. أفضلهم نافيد أن وُجد ويجـي بعـده الزهراني
ماده كيميائية بحتـه تتكلم عن الكيمياء العضوية بالتفصيل ، بتدرسون أهم العوائل بالتفصيل ، اللي هي الكحول والالكانات والايسترات .. الخ
المادة مهمه و الجزء العملي منها ممتع لأن فيه تحضير محاليل وحركات حلوه ولكن القسم الجزء النظري دسم شوي خصوصا بالمعادلات الكيميائية لذلك يبغالها مراجعه اول بأول
أفضل المدرسيـن بالنسبـة لي:
النظري : هم اثنين بس وكلهم ممتازين.. د. العارف رتيـمي [ليبي – كندي] بلا منازع هو الافضـل + د. أمـيـر حسيـن [باكستاني] وهو مدير قسم الكيمياء الصناعية وايضاً يُعتبر ممتاز
العملي : أحمد أبوجوده [أردني] هو الأفضـل على كـلام الأغلبية + عبدالله شريف [هندي] درسني وأشوف أنـه متميـز جداً بالـشرح وكذلك بالـدرجات واسلوبه مع الطلاب راقي ويعـامل الطـالب كأخ وليس كطـالب + حسين العـواد يعتبر من افضل المدرسين من ناحية الدرجات ، لكن من فترة بسيطة تغـير وضعـه في الدرجات وصار يدقق شوي في الريبورتات و الدرجات ، اتوقع ان احد المسؤولين في القسم درا انه يزود درجات وصار يخاف يزود درجات وتصيـر له مشكله ، لكن بشكـل عـام ممتـاز وما يظلم احـد وشرحه جيد + ماجد الهـزاع ما اعرف شي عنه لكن سمعته ممتازة واللي درسو عنده يمدحونه
المادة من اسمها باين انها تتكلم عن السيفتي وكيف تقي نفسك من الحوادث اللي ممكن تصيبك في بيئة العمل سواء كانت الحوادث كيميائية او ميكانيكية او كهربائية وكذلك بتدرسون شي بسيط عن التلوث الجوي
المدرسين ما بيفرقون معكم لانكم بتحفظون كل شيء في الكتاب مع أي مدرس ، وأفضل المدرسين من وجهة نظري هم حمدان وهيثم وابوطوق [اردني]
مـاده مهمـه جـداً ، ولـو تترجـمون اسم مادة الفيزيكس بالانقليزي [fundamentals of physics ] الى العربي بيطلـع لكم إسـم المـاده [ اساسيات الفيزياء] يعنـي باختصـار ببتعلمون أساسيات الفـيزياء فقـط وما بتتعمـوقون مـره بالفيزياء
المادة فيهـا قوانين كثيـره وبعضهـا مترابطة ببعـض لذلك انصـح بتلخيـص جميـع القـوانين لكـل شابتـر بورقـه خـارجيه ومذاكرتها جيداً قبـل الاختبـارات خصوصـا الميدتيـرم والفاينل لأنـكم اذا حفظتم القـانون بتحـلون أي مسـالة تواجهكم
افضـل المـدرسين من وجهـة نظـري:
النظري بالترتيب : د. خالد شبارو [اردني] + د. خالد الاسدي [عراقي – بريطاني] + د. حازم قـاسم [عراقي- بريطاني] أو ازاد [عراقي] فقط
العملي بالترتيب : د. خالد الاسدي أو د. خالد شبارو + د. جاسم العلوي + د. مولودي [جزائري] + خان [باكستاني] فقط
مادة سهله جدا جدا ، 95% من الماده عملي يعني تطبيق على الكمبيوتر و 5% نظري وهي تعاريف لاهم اجزاء الكمبيوتر واهم الاختصارات في الكمبيوتر ، بتدرسون قبل الميدتيرم برنامج الوورد وبعد الميدتيرم برنامج الاكسل .. بيشرح لكم المدرس كيف تطبقون التمرين بالشكل الصحيح ثم بتطبقون التمرين على الكمبيوتر ثم بيعطيكم تمرين مشابه له تماما كواجب تحلونه وتجيبونه الاسبوع اللي بعده عالفلاش ميموري
بالنسبه للمدرسين من وجهة نظري ، اشوف انهم ما يفرقون مره لان الماده جدا سهله وما تستاهل انك تبدّي المدرس عالوقت ، شوف انسب وقت واختاره
عنـدكم نصار المحيسن [اردني] درست عنده ، جدا جدا محترم وشرحه اكثر من ممتاز وفي الدرجات حدث ولا حرج نادرا ينقص حتى لو عندك اخطاء بسيطه ما بيدقق فيها + سليمان بدوي [فلسطيني] يمدحونه مره ، واذكر انه كان يجينا في السنه التحضيريه ايام كانو مسوين دورة القيادة الآمنة ، كانو موزعين الطلاب في 3 كلاسات تقريبا والكلاس اللي كنت فيه كان ماسكه سليمان بدوي ، هذا المدرس فلاوي لاخر درجه واسلوبه رهييييييب وكوميدي من الدرجه الاولى ههههه كان يقلب المحاضرة ستاند اب كوميدي ما غير ينكت ويضحك ويشرح الدرس بطريقة ممتعه جدا وبصراحه انصح فيه اذا كان موجود
مادة ادارية بحته كلها حفظ في حفظ نفس نظام السيفتي .. الهدف منها تثقيفك في بعض الامور اللي لازم تكون فيك في بيئة العمل عشان تكون شخص مثالي وناجح
بالنسبه للمدرسين من وجهة نظري:
درسني سعيـد الشهراني وكان ممتاز في الشرح والافضل من ذلك الملخص اللي كان مسويه للمادة وهذا الشي اللي ريحنا كثير لان باقي المدرسين كانو يشرحون من الكتاب ويضطرون الطلاب انهم يخططون وفي اختبار الميدتيرم و الفاينل كانو ياخذون ملخصات سعيد الشهراني من طلابه عشان يذاكرون منها ..... لكن في الصيف الماضي جو مدرسين جدد مثل محمد حق وشاكور ، وعلى كلام اللي درسو عندهم انهم ممتازين وكانو يسوون للطلاب ملخـص جيـد .. ما أقدر افيدكم بباقي المدرسين لأني ما اعرف الا سعيـد.
مـادة انجليـزيه الهـدف الاساسي منها تنميـة قدرة الطالب علـى المحـادثة أو التواصل مع الاخرين وتعزيز ثقة الطالب بنفسه بحيث ما يرتبك اذا طلع يتكلم قدام الناس
افضل المدرسين من وجهة نظري:
1-جـين [فرنسي – امريكي] درسني و يعتبر أفضل مدرس على الاطلاق من ناحية الشرح والاسلوب والدرجات ، أسمه الصحيح جون ولكن في السيستم جين ، بالعادة يدرسها كل ترم
2-ستيفن [امريكي] اللي درسو عنده كانو يقولون انه افضل واحد وبعضهم كانو يقولون انه احسن واحد بعد جين .. ممتاز في الشرح ويدف درجات ، احيانا يكون موجود واحيانا لا.
3-كامبـل [بريطاني] كان يدرس انقلش 4 بعدين تركها ودرس مادة انقلش حق طلاب البكالوريوس واتوقع انه ترك الكلية الان
4-توبـي [نيوزلندي] ممتاز بالدرجات لكن لسانه وصخ ومتبري منه على كلام اللي درسو معه ، احيانا يكون موجود واحيانا لا .