الماده هذه تعتبر أهم ماده في هذا البلوك وعليها 4 كريديت ، في هذه الماده بتدرسون موضوعين اساسيه ، الموضوع الأول يتكلم عن الـ fluid flow أو عمليات تدفق الموائع وبيكون قبل الميدتيرم ، وبتدرسون فيه كل شي عن الموائع مثل اللزوجه والموائع المرتبطه بقانون نيوتن والغير مرتبطه به وخواص الموائع والفرق بينها مثل الفرق بين الموائع المضغوطه والغير مضغوطه وجهاز قياس الموائع اللي هو المانوميتر واخيرا قانون الرينولد نمبر.
وبعد الميدتيرم بتدرسون الموضوع الثاني وهو الـ heat transfer أو عمليات انتقال الحرارهبالتفصيل و بانواعها الثلاثه الكوندكشن والكونفيكشن والرادييشن اللي هي بالعربي النقل والحمل والاشعاع.
بالنسبه لأفضل المدرسين من وجهة نظري :
النظري : ما كان يدرسها الا د. محمد شرف خان [هندي] وهو مدير قسم تقنية الهندسة الكيميائية وغالباً هو الوحيد اللي يدرسها والمادة مافيها الا سكشنين فقط للنظري، هذا المدرس من افضل المدرسين اللي مرو علي إن لم يكن أفضلهم وهذه هي المادة الوحيده في التخصص اللي يدرسها حالياً بالاضافة الى مادة اخرى لطلاب البكالوريوس، شرحه ممتاز جداً وملخصه مرتب ويفتح النفس للمذاكرة وتعامله ممتاز مع الطلاب واختباراته واضحه ومباشره ما فيها تعقيد .. بصراحه كنت اتمنى انه يدرس اغلب مواد التخصص لانه يطلع الطالب من الماده وهو فاهمها صح ، أنصح فيه بشده ... أحياناً يمسكها معه أمجد نافيد للثيوري ، وسمعت من بعض الطلاب اللي خذوها مع نافيد انه ممتاز في الشرح ومتمكن من هذه المادة بالذات، لكن الغالبيه يفضلون خان على نافيد ، من وجهة نظري انصحكم بـ خان كخيار اول ، مشكلة خان انه يفصل احيانا على الطلاب بالذات اذا حس بازعاج في الكلاس ونفس الشي مع اللي يسرح وما يرد عليه وقت التحضير .. ملاحظه مهمه جداً بالنسبة لخـان وهي أنه ما يصحح الكويزات في النظري أبداً ، الاختبارين اللي يصححهم هم الميدتيرم والفاينل بس بالنسبه للثيوري ، ونفس الشي بالنسبة للبراكتكل ما يصحح الريبورتات ودرجات الميدتيرم والفاينل يحطها من عنده ، طبعاً الدرجات اللي يحطها حلوه لحد يحسب انها نازله. يعني في الكويزات كل الطلاب ياخذون 4 وفوق من 5 الفرق بالفواصل فقط ، وفي البراكتكل كل الطلاب ياخذون فوق الـ 13.5 بس يختلفون بالفواصل يعني كل شيء من راسه بس الطلاب اللي يعرفهم يضبطهم اكثر خصوصا اللي يشاركون معه.
العملي : خان + نافيد كلهم يدرسون عملي فيه اربع سكاشن وكل واحد منهم ماسك سكشنين ، انا اخذتها عند نافيد وكان ممتاز في العملي من ناحية الشرح والدرجات ولكن صار يدقق شوي في الريبورتات بعكس البلوك الثاني يوم كان يدرسنا انسترومنتيشن كان يسلك لنا واجد في الريبورت، اما في هذي المادة صار يقول انكم الحين صرتم فاهمين طريقة عمل الريبورت بالطريقه الصحيحه فصار يدقق شوي لكن للأمانه ما ينقص درجات كثير يعني ممكن ينقص نص درجه او درجه بالكثير اذا كان ريبورتك كامل بس في الغالب يعطي 10 اذا ريبورتك كامل وبالشكل الصحيح، هو كان يقول هذا الكلام عشان نحرص اكثر على كتابة الريبورت بشكل احترافي اكثر من السابق لا أكثر ولا أقل.. الطلاب اللي مع خان يمدحونه برضو ويقولون ان شرحه ممتاز وفي الدرجات ممتاز كذلك ، واعرف واحد يقولي ان جته تجربه في الميدتيرم ما كان يعرف فيها شي وخبص ارقام وقوانين من عنده وعطاه 13.75 من 15 ، يعني ما شف ورقة الولد أصلاً.. من وجهة نظري اشوف ان اثنينهم ممتازين خان + نافيد ، ما اقدر احكم مين الافضل لاني مادرست عند خان براكتكل ، ولكن الأفضل خان على كلام الشباب اللي جربو نافيد وخان.
الماده هذه مهمه وعليها 3 كريديت ، بشكل عام بتدرسون في هذه الماده تعريف الثيرموداينمك وقانون الثيرموداينمك الاول مع بعض الابليكيشن الخاصه فيه و الانثلبي وسلوك الضغط والحراره للمواد النقيه و اهم انواع البروسيس باث مثل الايسوثيرمال والايسوبارك والادياباتك والايسوكوريك.. وبتدرسون الآيديل قاز والنون آيديل غاز بالتفصيل والثيرموكيمستري
بالنسبه لافضل المدرسين من وجهة نظري:
النظري : كان ماسكها هريدي ونافيد كل واحد سكشن ، انا درسني هريدي وكان شرحه ممتاز ويفصل لك كل نقطه بالتفصيل وكان يشرح بالسلايدات ونادرا يكتب في السبوره واذا كتب شي كتب اهم القوانين او يحل مساله واختباراته كالعاده صعبه ولكن اسهل بشوي مقارنه باختباراته اللي كان يحطها في مادة الانسترومنتيشن وفي الدرجات جيد لانه يطبق نظام الافرج يعني لو تحل اغلب الاسئله بشكل جيد بتاخذ درجه حلوه ... بالنسبه لنافيد ، أول مره يمسك ثيرمو نظري واكثر الطلاب كانو يقولون ان شرحه كان دجه لانه اول مره يدرس ثيرمو نظري وكان ما يعرف يحل اكثر المسائل بشكل صحيح لدرجة انه كان احيانا يدق على هريدي بالجوال وقت الكلاس عشان يعلمه كيف حل المسألة اللي ما يعرفها ، بس ميزة نافيد أنه كان يسلك لطلابه في الدرجات ويدفهم وأغلب الطلاب اللي معه جابو درجات اعلى من الطلاب اللي مع هريدي... من وجهة نظري هريدي افضل من نافيد للنظري من ناحية الشرح طبعاً اما في الدرجات نافيد أفضل.
كان فيه مدرس بس ترك الكليه، اسمه بيري [فلبيني] يدرس مادة الثيرمو نظري مع هريدي وكان كل ترم يمسكها وكان هو الكوردنيتر او رئيس الماده يعني هو اللي يكتب اسئلة الميدتيرم والفاينل ، طبعاً بيري هو أفضل مدرس على الاطلاق للثيرموداينمك ، وكان في البداية موجود لكن غيرو الجداول وشالوه وصار ماسك عملي بس .
العملي : كان ماسكها نافيد + بيري ، نافيد ماسك 3 سكاشن وبيري سكشن واحد ، كلهم ممتازين ومتمكنين في العملي ، يمكن اغلب الطلاب يفضلون نافيد على بيري في العملي لان نافيد متساهل اكثر في العملي ويزود درجات وما يطلب الا ريبورت واحد نهاية التجربة وما يوزع الطلاب في قروبات ، كان يقول قسمو نفسكم مجموعتين وكل مجموعه تسوي التجربه لحالها .. أما بيري كان يتعبنا شوي لأنه في كل المواد اللي ماسك فيها عملي يقسم الطلاب لاربع قروبات ثابته طول الترم و يطلب ريبورتين الأول تسويه في الاب مع القروب تبعك وتسلمه بنفس اليوم في نهاية الاب والثاني تسويه في البيت وتسلمه الاسبوع اللي بعده ، لكن من ناحية الشرح بيري افضل بكثيييييير من نافيد وتطلع من عنده وانت فاهم التجربه صح و ميزة بيري اسلوبه مع الطلاب جدا ممتاز وراعي تنكيت وسوالف وضحك وما تستثقل الاب حقه والغش عنده في الميدتيرم والفاينل ببلاش يعني يمديك تاخذ راحتك بعكس نافيد اللي بالعاده يكون هادئ اكثر من الازم ، ما اقول ان نافيد ما يسولف وياخذ مع الطلاب لا لكن مو زي بيري ، بس مشكلة بيري انه زفت في الدرجات ويدقق مره في كل شيء يعني يطير درجات اكثر من انه يعطيها للطلاب... من وجهة نظري اشوف ان اثنينهم ممتازين .. زبدة الكلام ان بيري أفضل من ناحية الشرح ونافيد افضل من ناحية الدرجات واثنينهم ممتازين من ناحية التعامل مع الطالب.
# بالنسبه للقروب ريبورت اللي مع بيري هو ماهو ريبورت زي اللي نسويه بالعاده نهاية كل تجربه ، القروب ريبورت هو الجداول والداتا اللي موجوده في الاب مانيول بدل ما يكتبها كل واحد لحاله في المانيول حقه يقسم الطلاب لاربع قروبات وكل قروب يعبون الداتا حقتهم مع بعض وبالعاده ما ياخذ وقت منكم ، يعني بس تاخذون القراءه وتسجلونها ونهاية التجربه يكون ريبورتكم كامل ، يعني لا تشيلون هم القروب ريبورت
3-رياكشن كاينتك آند رياكترز
بالنسبه للمدرسين من وجهة نظري :
النظري : ما كان يدرسها الا مدرس واحد اللي هو اوبرا [فلبيني] وماسك السكشنين كلها وبالعاده يمسك الماده هذه كل ترم لحاله واحيانا يشاركه مدرس ، اوبرا بصراحه جيد جدا في الشرح واختباراته سهله وكل الاسئلة من اللي يشرحه يعني ما يجيب لكم شي من برا وتصحيحه كذلك جيد ويسلك احياناً يعني ما يدقق مره في الحل ، أغلب الطلاب يكرهونه بسبب شخصيته لأن هذا المدرس الله يعزكم شاذ وملابسه ضيقه وتخدش الحياء واحيانا يتميع قدام الطلاب وغير كذا ما يكثر كتابه عالسبوره يعني اكثر شرحه يكون كلام بس واحيانا يقول اشياء مهمه ولا يكتبه يعني لازم تكون مركز معاه زين وغير كذا صوته ضعيف شوي يمكن اللي ورا ما يسمعون شي منه .. باختصار المدرس جيد جداً بشكل عام وما بتواجه مشاكل معه اذا درسك لكن فيه مدرسين افضل منه
العملي : كان فيه اوبرا ماسك سكشنين+ بيري سكشن + مورثي [هندي] كان ماسك سكشن واحد الى فترة الميدتيرم وبعد الميدتيرم تغير وعطو سكشنه لبيري .... اوبرا نظامه زي بيري يطلب قروب ريبورت في الاب وريبورت ثاني الاسبوع اللي بعده ، لكن مستوا اوبرا في الشرح ما يقارن ببيري بس انه يبقى افضل من بيري من ناحية الدرجات رغم ان اثنينهم ما يحبون يزودون درجات اما شرح اوبرا فهو جيد ما اقول انه سيء ، مورثي ما اعرف كيف وضعه بذي الماده بس اعرف واحد درس معه يقول انه فاصل وشرحه دجه احيانا يكون زين واحيانا لا وفي الدرجات ينقص اكثر من انه يزود ولا يحب انك تكثر اسئله ... الافضل من وجهة نظري بيري ثم اوبرا ثم مورثي
4-اندستريال كيميكال بروسيس:
الماده هذه عليها 2 كريديت ما فيها عملي بس نظري ، بتدرسون فيها عمليات تحضير الاسمنت و الحديد والكوستك صودا والسلفر والصابون وبعض العمليات الاخرى
بالنسبه لافضل المدرسين من وجهة نظري:
ما كان يدرسها الا اوبرا فقط وهو اللي يمسك هذه الماده كل ترم ، زي ما ذكرت لكم سابقاً شرحه جيد جداً وفي هذه الماده في الغالب يشرح من السلايدات تبع الماده اللي اعتبرها افضل من الكتاب من ناحية التنسيق والترتيب وغير كذا كل عمليه لها شرح + رسم لطريقة سير العمليه ، بالعاده الرسومات اللي في الكتاب معقده شوي بس هو يرسمها في السبوره بطريقه سهله احسن من اللي في الكتاب ، اختباراته والاسايمنتات حقته سهله وتصحيحه حلو .. انصح فيه لهذه الماده.
5-تيكنيكال رايتنق [ انقلش 5 ] :
آخر كورس انقلش بتدرسونه في الكليه وعليه 3 كريدت ، أنا اخذته في الصيف وكانو المدرسين متساهلين فيه مره وانصحكم تاخذونه في الصيف اذا انكم تبغون درجات عاليه بمجهود اقل، في هذا الكورس بتتعلمون حاجتين اساسيه ، قبل الميدتيرم بتتعلمون شيئين : اول شي بتتعلمون كيف تكتبون ريبورتات بمختلف انواعها وبيكون في الدفتر+ ثانياً: بيطلب منكم المدرس تسوون ريبورت واحد قبل الميدتيرم عن موضوع معين يتكون من 20 صفحه عن طريق الكمبيوتر ، في البداية بيطلب كل من كل واحد يختار موضوع واذا كان الموضوع مكرر بيطلب منك تغير الموضوع الى ان تعطيه موضوع جديد ماحد كتب عنه ، ثم بيعلمكم طريقة عمل الريبورت من البداية الى النهاية ثم تسلمونه في الوقت المحدد وعليه 15 درجه يعني مهم (هذا الجزء هو الاصعب في الكورس)
وبعد الميدتيرم بتتعلمون كيف شيئين: أول شي بتتعلمون كيف تكتبون رسائل بمختلف انواعها + ثانياً: بيطلب منكم المدرسون تسوون cv وهي السيرة الذاتيه وبيعلمكم كيف تكتبون السيره الذاتيه بالشكل الصحيح وهي سهله وما تاخذ وقت
بالنسبه لأفضل المدرسين من وجهة نظري:
أنا اخذتها في الصيف وكان فيه 3 مدرسين وكل اللي بتكلم عنهم مستواهم واحد تقريباً وكلهم ممتازين .. انا اخذتها عند سجاد [باكستاني] وبصراحه هو يعجبك في الدرجات لكن شرحه ما كان ذاك الزود مشكلته انه من النوع الكسلان يعني ما يحب يكتب ويشرح واجد بس في الدرجات ممتاز ويسلك أشوف ان مستواه مو مثل انقلش 3 ، أنا اخذت الانقلش 3 و5 عند سجاد ، في الانقلش 3 كان هو افضل مدرس على الاطلاق سواء في الشرح او الدرجات ، بس في الانقلش 5 اشوف ان مستواه بشكل عام اقل من بعض المدرسين يمكن بسبب ان الكورس كان في الصيف ونص الدراسه كانت في ايام رمضان وصيام يعني الواحد ماله نفس يسوي شي بس في الدرجات كان ممتاز و يبقى من افضل المدرسين لهذه الماده ... عندكم السراقبي [سوري] ايضاً ممتاز في الشرح والدرجات ما اعرف عنه الكثير لكنه من افضل المدرسين لهذا الكورس ... وعندكم رزقي [جزائري] وهو مدير الماده وهو اللي يكتب الميدتيرم والفاينل واكثر الطلاب يقولون انه افضل مدرس لمادة الانقلش 5 ، ما اقول ان الباقين سيئين لكن رزقي يعتبر افضلهم
بإختصار الأفضل هم : رزقي ثم السراقبي ثم سجاد .. الباقين ماقدر اقيمهم لاني ماعرفهم.
ماده اسلاميه عليها 1 كريديت ، وهي الوحيده التي تُدرس بالعربي .. بتدرسون فيها اشياء سهله وبسيطه مرت عليكم في المدرسه ، انا اخذتها في الصيف وكانت سهله والمدرس متساهل فيها
المدرسين هم اثنين فقط ، واحد اسمه د. عبدالعزيز الجبرين وهو مدير الماده والثاني مدرس شاب جديد أسمه عبدالسلام الشاعر
في الصيف كان ماسكها عبدالسلام فقط ، المدرس عنده ماجستير ومتمكن في الماده واللي يميزه اسلوبه في الشرح يعني مو من النوع اللي يسرد المكتوب في الكتاب لا ، يجي الكلاس ويشرح الدرس باسلوبه ويربطلك بين الموضوع اللي يتكلم عنه بموضوع او قصه واقعيه ويخلي الدرس ممتع جدا بحيث انك ما تمل ابد من كلامه ولا تحس بالوقت معه ، واختباراته كانت تافهه وما يغيرها يعني كل السكاشن تختبر نفس الاختبار وتعامله ممتاز جدا مع الطلاب ، في الترم العادي بالعاده يمسك سكاشن قليله بعكس د. الجبرين ... بالنسبه للجبرين فهو ممتاز كذلك واكثر الطلاب يقولون انه جيد بس اختباراته صعبه وشرحه ممل احيانا وهو بالعاده ماسك اغلب السكاشن لكنه يشطح احيانا... باختصار كلهم جيدين
من وجهة نظري أنصح بـ عبدالسلام على الجبرين.