عرض مشاركة واحدة
قديم 2008- 4- 4   #2
بـــو أحــمــد
مؤسس الملتقى
 
الصورة الرمزية بـــو أحــمــد
الملف الشخصي:
رقم العضوية : 1
تاريخ التسجيل: Wed Aug 2006
المشاركات: 16,930
الـجنــس : ذكــر
عدد الـنقـاط : 20807
مؤشر المستوى: 268
بـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond reputeبـــو أحــمــد has a reputation beyond repute
بيانات الطالب:
الكلية: كلية الطب
الدراسة: انتظام
التخصص: طب عام
المستوى: خريج جامعي
 الأوسمة و جوائز  بيانات الاتصال بالعضو  اخر مواضيع العضو
بـــو أحــمــد غير متواجد حالياً
رد: يااهل الطب شرفوا:)

و عليكم السلام و رحمة الله و بركاته

أهلاً أختي أملي الطب
الله يوفقك و يسهل امورك
و عقبال ما نشوفك طالبة في الطب و نفرح بقبولك
سواء في كلية الطب في الدمام أو كلية الطب في الحسا

بخصوص أستفسارك عن اللغة الإنجليزية
هاذي مشكلة أغلبية الطلاب .. مو بس مشكلتك
حتى أحنا لما سجلنا في الطب و انقبلنا .. كنا مثلك ما نعرف إلا كلمة كلمتين :D
بس طبعاً مع الممارسة و حفظ الكلمات الجديدة ... تسهلت الأمور

يعني في سنة أولى طب ..
كل الطلاب و الطالبات رايح يدرسون لغة أنجليزية مكثفة
بس سنة كاملة تكون الدراسة فيها منصبة على اللغة الإنجليزية

هذا أول شي ..
ثاني شي .. بإمكانك تآخذين دورات قصيرة .. أسبوعين أو شهر أو ثلاثة شهور و تدرسين فيها اللغة الإنجليزية في أحد المعاهد خلال الإجازة الصيفية
و بكذا رايح تكونين أحسن من غيرك و بتكون عندك لغة أنجليزية لا بأس بها قبل ما تبدأ الدراسة :mh19:

برضو فيه وسائل ثانية لدراسة اللغة الإنجليزية ..
يعني مثلاً فيه مواقع تعليمية .. أو كتب تعليمية
يعني تقدرين تعلمين نفسك بنفسك .. هذا يسمونه " التعليم الذاتي "
تشترين مثلاً كتاب كتابين أو ثلاثة لتعليم اللغة الإنجليزية و تتعلمين بنفسك ..

فيه برضو قواميس ألكترونية ..
تكتبين فيها أي كلمة و رايح يطلع لك معناها
هاذي تحصلينها في المكتبات مثل مكتبة جرير أو العبيكان

برضو فيه مواقع للترجمة ... تقدرين تكتبين صفحة كاملة
و رايح يترجمها لك الموقع ...
شوفي هذا رابط ترجمة موقع البحث الشهير قوقل :
http://translate.google.com/translate_t?langpair=en|ar

و أغلب لغات العالم موجودة في هالترجمة ..
تقدرين تترجمين من عربي إلى أنجليزي أو العكس
كتبي صفحة كاملة .. و رايح يترجمها لك :D

برضو فيه برامج تتثبت على الكمبيوتر .. مثل برنامج الوافي
رايح يسااعدك كثير من ناحية ترجمة الكلمات و معرفة معانيها و برضو كيفية نطقها


فيه أفكار كثيرة بإمكانك تستفيدين منها من ناحية تطوير لغتك الإنجليزية
و بالتالي ما رايح تحصل لك مشاكل إن شاء الله

و ترا هذا مو عذر أنك ما تدخلين الطب
مثل ما قلت لك .. إذا انقبلتي بإذن الله في الطب .. رايح تدرسين لمدة سنة كاملة اللغة الإنجليزية



اقتباس:
ثاني شي اختبار القدرات هذا كيف يعني وكيف كانت اسالتك

وشكرا

تحياتي [/COLOR]
أختبار القدرات ما فيه أسهل منه ..
بالعكس ما فيه أي صعوبة ..

كلها بس أسئلة و عليها أربع خيارات .. تختارين منها خيار واحد بس
و خلاص أنتهت السالفة ..


كل الاسئلة أو أغلبها تعتمد على التفكير
يعني تقدرين تقولين تعتمد على الذكاء و الإنتباه ..

تجي الأسئلة في قسم الأدبي و العلمي لطلاب و طالبات القسم العلمي
بإمكانك تزورين موقع قياس .. و رايح تعرفين معلومات أكثر

  رد مع اقتباس