المشاركة الأصلية كتبت بواسطة keep calm

السلام عليكم ورحمة الله وبركاته ..
أول شي أختي الحمد لله على كل حال ..
ولازم تجلسين مع نفسك وتحددين النقاط والأسباب ((((( والعادات )))))
الي خلتك تحملين 4 مواد ..

بالنسبه للمعدل .. صراحة معدل السنة الاولى معروف انه يأثر عالمعدل
التراكمي بشكل عام .. لذلك الي ابيه منك علشان مصلحتك ومستقبلك أولا
وعلشان أهلك انك تشدين حيلك الترم الثاني وتجيبين a+ في كل المواد ..
مهي صعبه ولا مستحيله بس يبيلها تعب وجد واجتهاد ومذاكرة أول بأول وكل
يوم بيومه ... ولا تسمعين لكلام الناس الي يقولون صعبه احد يجيب 5 لاني اعرف
طلاب كثير جابوها وتخصصاتهم اصعب من تخصصاتنا ..

المعدل التراكمي في السنة الاولى يجمعون معدل الترم الاول + معدل الترم الثاني ..
يعني انتي حاليا تقولين ان معدلك 1.98 وانك ناجحه في الانجلش وماده ثانية وحامله 4 مواد
لو نحسبها بحساب ( تقريبي ) يطلع تقريبا درجاتك كالتالي :
(إنجلش d+ ),, (ماده c+) ,, ( اربع مواد f )
فلو عدتي المواد الي حملتيها ونجحتي فيها وجبتي فيها مثلا d (( هذا اذا فرضنا انهم بيحسبون النجاح للي يحمل المواد في كلية الغد من 60 زي الجامعات الحكومية )) + معدل الترم الثاني ويفضل يكون
فوق 4.5 تقريبا رح يكون معدلك للتحضيري 3.45 .
وكل ما شديتي حيلك كل ما كان معدلك التراكمي في التحضيري فوق 3.50

وآسف عالإطاله وبالتوفيق