ملتقى طلاب وطالبات جامعة الملك فيصل,جامعة الدمام - عرض مشاركة واحدة - اتمنى شرح بسيط للتخصصات التقنية في كلية الجبيل

خرّيج الجبيل · 2015- 1- 25

اقتباس:

المشاركة الأصلية كتبت بواسطة حمادز

^^

طيب ياليت تفيدنا بكيف الرواتب بسابك لنفس التخصص وكم كان معدلك يوم كلموك؟

طبعا تخصصي الكيميكال + تخصصك البوليمر ، يعتبرون أقرب تخصصين لبعض .. وخريجين هذين التخصصين يكون المسمى الوظيفي لهم هو ( مشغل - operator ) و شغلهم يكون قي الشركات البتروكيماويه مثل سابك وتصنيع وشيفرون أو شركات البترول مثل ارامكو وشلمبرجير وبيكر هيوز .. .الخ.

الحمدلله معدلي كان عالي ( فوق 3 من 4) ، وكلموني سابك وانا في نهاية فترة التطبيق (الكو أب) وقالو لي انهم يبون يسوون معي مقابله عمل في التاريخ الفلاني في مخيم أحدى شركات سابك.
ويكون بعلمك ان شركه سابك كلمت تقريبا وبلا مبالغه أكثر من نص دفعتنا سواء الكيميكال أو البوليمر ، واغلب الشباب انقبلو في سابك ... الغالبيه انقبلو كـ مشغل وبعضهم مانقبلو كـ فني مختبر.
يعني لاتشيل هم التوظيف ، ان شاء الله الوظيفه مضمونه.

بالنسبه لسابك .. خريج الكلية يدخل على قريد 8 ، بعكس خريج الثنوي اللي يدخل على قريد 6 ، أما المهندس يدخل على قريد 10 مباشره.

وبالنسبه لراتب المشغل قريد 8 في سابك:
* راتب اساسي = 6890 ريال
* بدل سكن = 2500 ريال (25% من الراتب الاساسي)
* بدل المواصلات = 689 ريال (10% من الراتب الاساسي)
* بدل الشفت = 1033 ريال ( 15% من الراتب الاساسي)
* وعندكم التأمينات الاجتماعيه وساند يخصمون تقريبا 950 ريال من الراتب.

يعني مجموع الراتب الشهري تقريبا = 10.000 ريال

طبعا بالنسبه للاوبريتر أو المشغل ، عندهم برنامج اسمه JQP ... طبيعه عمل الاوبرتر تكون في المصنع ، والمصنع يتكون من عدة أقسام أو عدة AREA .. مثلا المصنع اللي أشتغل فيه يتكون من 6 أقسام. كل قسم من اقسام المصنع هذي ماسكها مجموعه مشغلين.
برنامج الـ JQP يتيح للاوبرتر أنه يمسك أكثر من قسم كل سنه ، يعني يقدر المشغل في كل سنه ياخذ قسم جديد من المصنع .. طبعاً كل ما تخلص قسم من المصنع رآح يزيد عندك الراتب الاساسي بمقدار 400 ريال تقريبا ، ويما ان الراتب زاد ، راح تزيد عندك البدلات مثل بدل الشفت وبدل المواصلات .. يعني احتمال بعد ما يكمل الموظف سنتين وينهي قسمين من المصنع راح يزيد عنده الراتب من 10 الاف الى 13 ألف تقريبا ، هذا بدون الاوفر تايم اللي هي ساعات العمل الاضافيه مثل ايام العمل في الاعياد واليوم الوطني ورمضان وبونص أخر السنه...
فهمتم طريقه البرنامج هذا!!!!!!!!!

طبعاً ، دوام الاوبريتر يكون شفتات ، صباح واول ليل واخر ليل .. يعني اجازتك أو الاوف تبعك ما راح يكون مثل باقي الموظفين خميس وجمعه .. مرات يوافق خميس وجمعه ومرات ما يوافق.

..

هذا اللي عندي ، اتمنى اني افدتكم ... وأي سؤال انا حاضر
لا تنسون أخوكم من صالح الدعاء