الله يرحم حبيب الشعب عبدالله
ويبْدِلْه عن داره الفردوس تِكتَب له
الله يبيحه وليّ العرش ويحلّه
ما فيه شعبٍ يحبون الـمَلِك مثله!
نشهدْك يارب عشنا في ذرى ظلّه
ما شفنا غير الهنا والعيشةَ السهلة
فقيدةٍ للورى والكون ذا كلّه
يا كبر حزن الرياض ولوعة القِبلة
يبكيه طفلٍ نشا ما يعرف الذلّة
ورجلٍ فقيرٍ غَمَرْه احسانه وفضله
والشايب اللي يفيض الدمع ويهلّه
على مليكه وكم جرّب ملكْ قَبله
والحمد لله ترى ميْتٍ على الملّة
على الهدى والشريعة ماسكٍ حبله
يارب تمحي خَطاه وتدمح الزلّة
وتجبر عزانا بمن ودّع على مَهْله
جعْل الذي شاف من باسٍ ومن علّة
تكفير،، واجزه عن الاسلام في فعله