المشاركة الأصلية كتبت بواسطة حماااده

ابو خالد
انت لازم تركز .. ان اي تأجيل في المستويات الجايه او حذف ممكن تتورط لازم تحط خطتك على اساس انك ما تحذف اي مادة يعني انت ممكن عندك عمل وتشوف انه ما يمديك تدرس اكثر من 7 مواد او 6 ، فخطط على الشيء هذا علشان ما تحذف مادة


انا انصحك في هالمستوى تتجاهل مادة علم الاجتماع وعلم الاحصاء والمنظومه
وتمشي على الخطه وتأجل مهارات التحدث وتغير نظرية الترجمة بالرواية الحديثه لان دكتور الترجمه انسان ( شرس )



ولانه مش معقول يكون قضايا + حضاره + علم اجتماع + علم احصاء < بيكون الترم سهل عليك لان كلها عامه مو مواد تخصص وبعدين يجيك الضغط مستقبلا



والخيار الثاني انك تدرس المنظومه في هالترم وتسوي تأجيل لقضايا بس ترى بجيك ضغط منظومه خلفها ظهور الرواية ، انت مو ملزوم بانك تدرس المنظومه الان ، لان بتضيف مستوى تاسع وهذا بيساعدك بس بيكون عندك ضغط مادتين ورا بعض ( في ترمين ) ولو انك بتضيف مستوى تاسع .. بس لو كنت تبي تخلص في 8 مستويات بتكون ملزو م تدرس مادتين ورا بعض في 3 مستويات واصلا اتوقع انك يبغى لك صيفي اذا تبي تخلص 8 مستويات

مع الاخذ بالاعتبار تغير الترجمه بظهور الرواية الحديثه



في المستوى السادس تدرس علم الاحصاء + علم الاجتماع وتسوي تأجيل لـ النحو + لغوية تطبيقية
في هذي الحاله اذا انت ما اخذت المنظومه تاخذها بعد هنا بدل الشعر ، وتمشي في باقي المواد


انا بس نصحيتي انك ما تجمع الاحصاء وعلم الاجتماع والثقافة والحاضر ( لاتجمع اكثر من مادتين مواد غير تخصص )

والهدف من هذا علشان ما تضغط نفسك في المستويات الجايه وتكون هالمواد تخفف عليك صعوبه المستويات

+ ترى تقدر تدرس مواد العامه في الترم الصيفي اذا كان فيه صيفي ،
يعني تقدر تدرس الاحصاء وعلم الاجتماع ، بس ما تقدر تدرس المنظومه

استخير ، وبالتوفيق