|
رد: ولو أسألوك أهل الشماته .. وجاوبت قل : سيرته مايسمعه غير واضي !
أحيان أحس إني وسط خافقك ذبت !
وأحيان أجي بالبال لاصرت فاضي ..
يا صاحبي ليه أكره الناس لاغبت !
وأقول خذ قلبي معك .. منت راضي
كم ضاقت الدنيا علي وتعذبت ..
وكم جيت لك قاضي وعوّدت قاضي !
لا إنت الذي قدرت حالي وقربت ..
ولا انت الذي خليتني لإفتراضي ..!
داخل عليك إن شفتني ليلة السبت
خلك عن الوجه العبوس امتغاضي ..
ولاتسأل شلوني .. تراني تقلبت !
حتى بياض الوجه ماهو بياضي ..
لاتلومني .. كم شفت ناس وتغربت !
وكم دست بإحساسي ديار وأراضي ..
وإن كان حسيت إنك بوصلك أذنبت .!
فالله .. ولا حب ٍ شقوقه عراضي
ولو أسألوك أهل الشماته .. وجاوبت
قل : سيرته مايسمعه غير واضي !
بآغيب أحبك وأذكرك .. وإنت لاغبت
غيب بسلامة رب العباد راضي ..!!
....
قصيدة مثل مانقول بلهجتنا العامية ( تاضي ) : أي تشع وتضيء سطوعا ونورا ..
...
الله الله ياشوووكووو
عودة للفنون الأدبية
بقصيدة رائعة
تسلم يمناك ...
.
|