مقدّره لمشاعرك والدفعة المعنوية اللي تقدمها لدفعتك
بس تجربة من وحده توها زاعت العافية
المقرر بأمانه مو ذاك الصعوبة للي يحبون الحفظ .. استاذ احمد جاب من وسط السطور الغير مرئية
والله ذاكرت من قلب جد ذاكرته من قلب وانا من النوع اللي من البداية اتابع ما اجي على نهاية الترم واخبص
وما توقعت يسويها فينا لهالدرجة .. غير جميع الاسئلة .. بس كنت خايفة من قبل ما اختبر
اول ما مسكت الورقة حمّر وجهي احتر والله ما انسى ذاك اليوم .. جاتني صدمة صدق وطولت ما حليت شيء بس أقرأ بدون حل .. بعدين تعوذت من ابليس وقعدت احل بالتخمين .. لأني مو ذاكره شيء نصّاً .. انا احفظ بالفهم لا احد يقول شلون
نصّا نصّا ماعرف
المهم تخمين بتخمين بالنهايه بالضبط جبت 77 درجة .. واختي ما فلحت فيه .. مع ان مجهودها اكثر مني المسكينه وكلنا اعتمدنا على التخمين اقدر اقول لكم ان الصدف لعبت معانا .
ما اقول لكم هالكلام اخوفكم بالعكس احذّركم .. مادري اذا مدرسكم بلالي من قبل او لا .. بس انا انقرصت منه واجد
بصيص أمل لكم
بنظرتي الشخصية .. كل سنة تكون اسئلة متداولة بالفصلين .. ومن تجي السنة اللي بعدها يجيبون اسئلة ثانية غير عن السنة اللي طافت
بمعنى .. ذاكروا اسئلتنا .. حنا الفصل الأول من 36 ذاكروها .. ان شاء الله يكرر لكم .
وكل من حذف التسويق اقول لك ارجع سجله .. المواد هذي فيك فيك بلاش تأجيل قدامكم مواد ادسم فوق .. بلا تأجيل وتبديل .