آآه منك..
كل هذا الشوق فيني
وما انت داري؟؟
إنك اللي من سكن بين الحنايا
وإنك اللي لا يزال يسوي بقلبي سوايا
وإنك اللي أعشقه رغم الخطايا
تدري إن الكون كله مايساوي أي شي وإنت غايب؟!!
وإن قلبي فيك ذايب!!
وإنك انت أغلا من كل الحبايب!!
كل هذا وما انت داري؟؟
ولاّ داري؟!!!
سو نفسك ما انت داري..
بس ..أحبك
إيه..أحبك
والله أحبك
يعني داري ولاّ مو داري بكيفك!!
بعيش بردك وصيفك!!
وأرمي قلبي فوق سيفك
وانت كيفك..يا تبادلني الشعور
يا تخلينا بنفس الدايره نقعد ندووور
ولا حدن يشكي جراحه..أو نحس بأي راحه
بس..لو تبي الصراحه!!
ذابحك حيييل الغروور
وانت داري إن ذلّي وانكساري في عيونك
وإن قلبي يرفض الدنيا بدونك..وآآآه منك