بالنسبة للدراسة في الكلية
مدري اذا الحين تغيرت الاسعار او لا
اني قبل سنتين كنت في نفس كلية سعد بس طلعت ورحت كلية ثانية
والحين افكر ارجع كلية سعد و إن شاء الله ربي يوفقني ويوفقكم ،، مع اني بكمل 5 سنوات من تخرجي من ثانوي
اني اول ماسجلت في الكلية كانت رسوم التسجيل اللي يسجلو بدري 500 و اللي يسجلو متاخر 750
وبعدين دفعت 7000 حق الفونديشن ،، الدراسة اذا بتسمعي كلام فلان وعلان عمرش مابتفلحي
لان هذا كان غلطي سمعت الكل يقول ان دراستهم صعبه اول ماسجلت بس بعد توكلي على الله ودخلت الكلية
صح ان الطاقم كلهم المسات اللي درسوني يتكلمو انجلش وفي البداية ماعجبني الوضع بما ان لغتي كانت زي الاطرش في الزفه وللحين بس تعدلت شوي لغتي ،، بس مع الوقت تعودت وحسيت الدراسة سهله
والمسات يساعدو وايد ومتعاونين ،، وكانو طالبين نسبة ماتقل عن 70% في اختبار البت في بعض من البنات عدو بس ماكملو وبعضهم اللي ماعدو اول مرة عادوه ليهم مرة ثانية مجانا و المرة الثالثه تدفعي 250 واذا ماعديتي تدفعي لفونديشن 2 واذا عديتي خلاص تدفعي 5000 تامين منحة وتتخصصي وبعد تقريبا شهر من التخصص تنزل اسماء الطالبات المشمولين في المنح ،، و المنح تفتح مرتين في السنة مرة بداية السنة ومرة السمستر الثاني واذا قبلتش المنحه لازم تحافظي على معدلش وماينزل المعدل عن 2.75 عشان تستمر المنحه ،، بس اني مادرست تخصص لان نقصت من عندي درجتين على النسبة المطلوبه وماحبيت اكمل في نفس الكلية وغيرت الكلية بس ندمت .
بالنسبة للمواصلات اني كنت اروح ويا سواق مكرو باص كان يوصلني بـ 600 وكنا حول الـ 14 طالبة
وبما ان العدد كبير فكنت اوصل البيت متاخره يعني العصر او قريب المغرب اوصل ، الفونديشن كنا كل يوم نطلع ساعة 2 ،، فـ افضل ان تروحو مع سواق سيارة عائلية تكونو 4 طالبات او ان زدتو 6 وتكونو من نفس المنطقه حق ما تتاخرو .
خذو نصيحتي لا احد يلعب عليكم ويقول ليكم الدراسة صعبه او يقولو ليكم المسات مو متعاونين في كل مكان في السهل وفي الصعب و كل وحده وقدراتها .
بالتوفيق للجميع في كل مكان . :)