اقتباس:

وعلى سالفه { اللي يبي يدرس ترم بإأمريكا ويحول على البعثات } مو 100% اعرف ناس راحو هناك والله اكثر من سنه يالله الحقوهم بالبعثات وهي حظوظ ناس بشهر تجيهم البعثات وناس يطولون واللي عنده واسطه اكيد من ترم واحد يحول على البعثات .. فما انصح احد يخاطر بمستقبله الا اذا عنده واسطه بالوزاره .. او ماديتـه ممتـازه..

انا اخوي صارله اربع سنين يدرس بأمريكا وللحينه يدرس ..

وهو بنفسه يسولف لي عن التحويل للبعثات وبساطتها ..

فيه ثلاث شروط رئيسية حاطتها البعثات للتحويل ..

اذا اكتملت على طول تحول مثل السلام عليكم .. وهذا قرار منهم مو مني ..

اول شي انك تكون مخلص 31 ساعه من مواد التخصص وليس التحضيري بأحد الجامعات المعترف فيها ..

ثاني شي انك تكون مخلص توفل ..

ثالث شي معدلك لا يقل عن 2 ونص من اربعه ..



الخطه يا اخوان اللي بقولها لكم ممتازه ..

الجامعات بأمريكا تقبل من دبلوم كلية المجتمع اقل شي اربعين ساعه اذا قدمت عليهم ..

بهذا تكون انت حققت شرط من شروط الألتحاق بالبعثات انك مخلص 31 ساعه ..

يبقالك شغلتين وهن المهمات ..

الشغله الرئيسية الثانية انك تكون مخلص توفل وجايب فيه درجة تأهلك لدخول الجامعة اللي تبي تقبل ساعاتك ..

اصلا غصبن عنك بتكون مخلص توفل لأن كل جامعة لها نسبة معينه للقبول بالتوفل ..

الشرط الثالث وهو المعدل ..

اول ترم تدرس على حسابك .. وتشد حيلك وتجيب كل المواد فوق السي بلس ..

علشان يصير معدلك فوق الأثنين ونص ..

وعقب تحول سلام سلام ..

وعلى فكره ..

الجامعة اذا قبلت لك الساعات راح يبدأ معدلك من الصفر ..

يعني وربي سهالاااااااااات ..

والله يوفق الجميع ..