سلام ياخـوفٍ نبـت داخـل الجـوف
وسـلام يـاوجـه القـلـم والكتـابـه
البارحه ليـل السهـر هـم وحـروف
ودمعٍ نثرته لاجـل حضـرت جنابـه
ياوقـت والله مابقـى فيـك معـروف
وشلـون تطبـع بالوجـيـه الغـرابـه
ياليت ما بالعيـن ياصاحبـي شـوف
ماكان صاحت فـي ضلوعـي ربابـه
والله تحلف اني من الضيـق مكتـوف
تحـت الضمـا وتشـح فوقـي سحابـه
اطيح من عين السمـا تحتـي سيـوف
واشرب هماج الوقـت خـوف ومهابـه
صارت حياتي كلها خوف في خـوف
بيـن الهمـوم وبيـن نهـش الذيـابـه
ياويل وجهي كـل ماجيـت ملهـوف
عـودت اقـول الله يحـفـظ شبـابـه
ماشاقني لمعانقه (( روعة المـوف ))
ولا ردنـي عـن جيتـي لـه عـذابـه
مير انت ياوقت الشقا صرت ملقـوف
وخليت صبـح العشـق يعلـن غيابـه
اقفى نهـار العيـد باايمـان وحلـوف
يوم اني اضمـا وارتـوي مـن عتابـه
قال: الوداع وقلت : ماحولـك نكـوف
قال : انت تبغـى الصـدق والا سرابـه
قلت: اصدق اصدق مابقى فيني كتوف
وشلـون اشيـل الهـم واقـوى ركابـه
والله ماباقـي بعـد صـدك حسـوف
ولا باقـيٍ بالوقـت طيـب وذرابــه
قال: الرجوع ابعد من الحلـم للشـوف
والهـم وزع فـي ضلوعـي عصابـه
قلت: انت ترمي داخلي موت وحتـوف
قال: انت مـن ثـورت نـار الاجابـه
قلت : العذر قال: الخطا عنك مصروف
قلت : الزعـل قـال الزعـل لاتهابـه
والله ياقلبـي عـن الصـد معـزوف
والله يعيـن القـلـب هــم اغتـرابـه
خسفٍ نشى بالقلب والقلـب مكسـوف
والوقت قاسـي فـي وقوفـه صلابـه
مير القهر والهم والضيـق والخـوف
(( انك بعيـد وحـزن الايـام غابـه ))
وداع ياخوفٍ نشـى داخـل الجـوف
وسـلام يـاوجـه القـلـم والكتـابـه
البارحه ليـل السهـر هـم وحـروف
ودمعٍ نثرته لاجـل حضـرت جنابـه