|
ما هي تجيني منك يالغالي افاااا
[read]هذا السؤال اللي ذبحني بالخفا
ما همني ما بعد هذا وش يصير
الي حصل في صفحة الماضي كفا
ما بين خوف الله وتأنيب الضمير
ما خاب رجال(ن) لوجه الله عفا
انا السفير اللي يدور له سفير
وانا الوفي اللي زمانه ما وفا
شفت الزمن لبسني الثوب الحرير
وثوبه يبنجني لطعنات القفا
ما عاد ابي ثوبه وابي ثوب الفقير
اللي احس بلبسته ستر ودفا
اسهل ما بالدنيا برستيج الأمير
بس المصيبة لو بعد ناره طفا
من عاش وقته لايجار ولا يجير
محدن بداريبه مشى والا لفا
والكلمة اللي حدها حد الشطير
لا قال شخصن تحسب حسابه افاااا
ياكبرها كبراه في عين الكبير
ويا صغرها للي بمرجلته هفا
الحمل ما شاله سوى ظهر البعير
اللي تبين في مواطيه الحفا
البارحة تقريب في حزة عصير
كنه خفوقي قطن في دار السفا
طرا علي الحب الاول والاخير
اللي معلقني على جسر الجفا
وش هو سبب هالصد والدنيا بخير
ليته مأكد صدته والا نفا
ماني بناقص هم تكفااااا يالعشير
جفنك ينام وجفن غيرك ما غفا
مااحب غيرك لان حبك غير اي والله غير
لوهو صفا جوي بدونك ما صفا
بقول لك كلمه وانا اعرفك كبير
ما هي تجيني منك يالغالي افاااا
أناسٌ أعرضوا عَنّا
............ بلا جُـرمٍ ولا مـعـنا "
أساؤوا ظـنّـهم فينا
............ فهلاّ أحسـنُـوا الظـنّا "
فإن خانوا فما خُـنّا
............ وإن عادوا فقد عُدنا "
وإن كانوا قد استغنوا
............ فـإنّـا عـنـهــمُ أغـنا " [/read]
|