طريقتي بالمذاكرة من المستوى الأول و للحين عليها
المهم يكون عندي شهر للمذاكرة
و اسبوع قبل الامتحانات للمراجعة
أما الباقي يكون استماع محاضرات و حل وتحميل
طبعا كلما راجعت المادة أكثر كلما كانت درجتي أفضل
يعني المفروض
مرة مذاكرة و مرة مراجعة و مرة مراجعة قبل الامتحانات و مرة مذاكرة يوم الامتحان
يعني يكون التفاعل مع المادة اربع مرات
طبعا المستوى الماضي موادي قليلة و تفاعلي أقل
يعني حدي ذاكرتها و راجعتها على السريع و ذاكرتها بالامتحان
يعني 3 مرات و مو بذيك الدقة
لاننسى طبعا الكويزات و الملفات المهمة يفضل الاطلاع عليها قبل يوم الامتحان و يومه تكون مراجعة
لأن يوم الامتحان تكون الملفات و الكويزات أكثر
بالنسبة لي البداية أصعب شيء وحدي بطيئة
حضرت المحاضرات الثلاثة الاولى للاستماع و المنظومة
و عندي 7 مواد
المنظومة النحوية
ملزمة بيسان كبداية حلوة و المحاضرات خفيفة بس شوية تركيز
و الاهم ماتحتاج ترجمة يمكن شغلات خفيفة
الاستماع و التحدث
ملزمة بيسان نفس المستوى السابق كل شيء واضح لزوم حضور المحاضرات أول بأول
النثر الانجليزي
ملزمة بيسان بس حسيت بالبداية القطعة طويلة و كذا احتاج ترجمة
لقيت ملزمة جنون وانصدمت يا من شفتها تقول نفس مادة القراءات و اغلب الكلمات ماخذينها
هلا هلا أنا مادرست القراءات و لانزلتها
بس الحمد الله لقيت القطع مترجمة من موضوع أم حاتم لتغريد العتيبي
و يامن بديت بالترجمة حسيت أغلب القطعة كلماتها واضحة
و ماله داعي بس كم كلمة و موجود ملف بالمفردات بعد يساعد يعني شكلي بعتمد ملزمة بيسان
هالمادة شكلي بحضر محاظرتها واذا حسيت ماله داعي يمكن احسب عليها
او اشغل زر التسريع الجديد الي اضافوه الجامعة
حاظر العالم الاسلامي و الانشاء والتعبير2
شكلي مراح احضر محاضراتهم الا اذا صار عندي وقت
و شكلوا بعد مع زر التسريع
الأدب الانجليزي
ياويلي لازم ترجمة و شكلي بعتمد ملزمة مس هيفاء و ملزمة تروك للمراجعة مثل ماقالوا
المشكلة انها مادة أدب بس بالانجليزي
يعني تحتاج حفظ و حفظ و حفظ
و محاضراتها مدري للحين بشوف المحاضرات الاولى اذا ماعجبتني
خصوصا اذا الصوت مو واضح أو في صوت مكيف ههه
بسحب عليها تذكرت محاضرات تقنية المعلومات و الازعاج
الفكر والثقافة
بدل قواعد البيانات لأن على أساس بتتعادل أو أخذها صيفي
بس انصدمت طليت عليها مثل مادة الأدب بس بشكل مصغر
الله يستر من الحفظ
الحين عرفت ليش الانجليزي تخصص أدبي
اعتقد بتعمد ملزمة بيسان و مهاوي للاطلاع على الترجمة
و الافضل أحضر المحاضرات لأن الدكتور أجنبي و نقول نطور الاستماع عبارة
و بالتوفيق