عندما تُغلق الأبواب من كُل جانب
فلا يكون لديك مكانَ
فافتح بنفسك باب
فيُفتح لك ألف باب
وأفضل باب هو
العـلـم
وقبل كل شيء
اعلم إن هُناك ضوءاً
السلام عليكم ورحمة الله وبركاتة
انا خريجة ادارة اعمال 2014 الفصل الثاني بعد التخرج كنت افكر بمواصلة الماجستير اولاً لدعم شهادة البكالوريس وأيضاً لحب العلم والتعلم بديت ابحث عن الجامعات اللي تقبل خريجي الانتساب وماهي الشروط لدرجه اني انصدمت كثير من جامعات حكوميه وأهليه أيضاً لاتقبل المنتسبين مهما كان معدلك مازال الانتساب لايحظى بالاهتمام اللازم ومازال التهميش موجود
لكني توكلت على الله وفوضت امري إليه
وبدت رحلة البحث في الجامعات
الجامعات الحكومية :
اولاً
ماجستير جامعة الملك سعود بالرياض اعتيادي او موازي لاتقبل انتساب الا اذا كان الشخص يمتلك واسطه
ثانياً
جامعة الأمام محمد بن سعود تقبل منتسبين في الماجستير الموازي فقط وسمعت هالايام انهم وقفوا قبول للانتساب
الجامعات الأهليه والمنح الداخليه :
الوزارة ماقصرت وضعت برنامج للمنح الداخليه للجامعات والكليات الأهليه بحيث تدفع للطلاب 70 ٪ لكل سنة دراسيه ومن شروطهم ان التقدير جيد جدا وان لايكون الطالب موظف
نتكلم عن الجامعات الأهليه :
اولاً
كليات الشرق العربي معترفه لكن ماتقبل منتسبين ابتداء من هالتيرم وميزتها الرسوم منخفضه مقارنه بالاخريات
ثانياً
جامعة الامير سلطان ماتقبل منتسبين
ثالثاً
جامعة الفيصل الأهليه تقبل انتساب لكن شروطهم شوي صعبه والجامعه معروفه وقوية
رابعاً
هو الخيار الاخير والوحيد لدي جامعة دار العلوم بالرياض تقبل انتساب ولديها برامج ماجستير في إدارة الأعمال والقانون التجاري والجنائي ونظم المعلومات
توكلت على الله وسجلت بجامعة دار العلوم الكترونيا وشروطهم المعدل مايقل عن جيد جدا ولا يحتاجون قدرات جامعين ولا توصيات بعد اسبوع تم قبولي في كلية إدارة الأعمال وهو امتداد لتخصصي في البكالوريس لاني لو اخترت تخصص اخر لازم ادرس تكميلي قبل الماجستير
ذهبت للجامعة قسم القبول وسلمت اوراقي وتم قبولي هالتيرم رسمياً ولله الحمد وسددت رسوم قبول 5 الاف ريال
الجامعه مشكلتها الرسوم جدا مرتفه الدراسه حول 200 الف لسنتين
سجلوني في برنامج المنح الداخليه وقالوا انتظري الى ينزل اسمك نهاية التيرم ومازلت انتظر ادعولي انقبل
بديت الدراسه وأنا في الاسبوع الرابع من الدراسه في البدايه الدكاتره كلهم متعاونين وكل تيرم 4 مواد تخصصي ادارة اعمال بالعربي وفيه تخصص بالانقلش الدراسه ماهي سهله ولاصعبه بس تحتاج صبر وتحمل لكثرة البحوث والواجبات والاختبارات ميدتيرم وفاينل والحضور يومين بالاسبوع ومسائي
وهذي قصتي باختصار وحبيت انقل لكم تجربتي وان مازلت اقول مهما يضيقونها علينا نحن المنتسبين مازال هناك أمل واللي عنده طموح وشي في باله مايوقفه شي بإذن الله الأهم التوكل على الله سبحانه وتعالى وفعل الأسباب