حاولت أهدي ثورة الشوق وانهار
دمع العيون الساحرة يفضح الشوق
شفت النواعس وسطها حزن وأسرار
صورة الم بروازها يتعب الموق
قلت السهر، قالت ، وطن ماله أسوار
قلت الألم ، قالت، مع الصوت مخنوق
قلت الغلا، قالت،مع الناس تذكار
ولا كل مطرودٍ مع الخلق ملحوق
قلت، الصدق، ردت ، من أوصاف الأخيار
احلا السمات الوافيه صدق منطوق
قلت، الجفا،قالت، من أحكام الأقدار
وانا زماني مودع القلب محروق
قلت، الوفاء، قالت، ينابيع وأزهار
واحة قلوب ٍ بين عاشق ومعشوق
(حاولت) اهدي ثورة الشوق بإصرار
وأطرق على شانه بحر كل طاروق
واسج مع لحن القصايد والأشعار
وآآآخذ معاه شوي وافيق واروووق.