|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
مدخل ...
طينة رمال الليل ما تيبس الصبح
............ و اصبحت حزني رطب وايدّي يبّاس
.
أجمل شعور يمرك فـ غاية القبح
............ لـمّـا تحـس إنك وحيد و ولد ناس
.
.
.
.
.
.
.
.
.
.
.
/
غربة .. كثير اللي كتب غربة الروح
................ وانا اتعثر في زحام الحناجر
.
قلت اكتبك من باب قدسية النوح
................ زيف المدينة .. وكبرياء المحاجر
.
هذا الوطن يا صاحبي حفنة جروح
............... ولا هو خطا الأوطان حزن المْهاجر
.
ماهو فقير اللي رسم حلم وطموح
............... وماهو قتيل اللي في ظهره خناجر
.
مفتاح صبر .. وباب الأقدار مفتوح
............... وقيود طين وصوت الأيام زاجر
.
اطلق سراح الصمت بتموت مفضوح
............... والناس قد شافتك ديِّن و فــاجر
.
إن عشت غربة .. وين إذا ضقت بتروح؟!
............... وإن غربوك النـاس .. تقدر تهاجر؟؟!
.
شف وانت بترتل وجع غربة الروح
............... كم لك تَعّثَّر في زحام الحناجر؟!
مُحلق في سماء الصياغة والصور ~ هاني الفرحان علم على رأسه نار
|