2010- 7- 4
|
 |
مشرفة سابقة التربية الخاصة
|
|
|
|
شهرزاد ,ــــ, وشهريار
[align=center]مدخـــــــــــــــــــ,,,,,,,ـــــــــــــــــــــ ــل
 حكااااااااااية
ابطالها موجودين في كل مكان .......
ممكن تكونوا انتوا
ممكن احد تعرفووه .........
موضوعنا بس لكم
خاااص فيكم .......
يا شهرزاد........ وياشهريار
بدأنا هدا الترم بنشاط , سجلنا موادنا, سمعنا محاضراتنا, ذاكرنا اللي علينا, ودخلنا اختبرنا في قاعاتنا وطلعت نتايجنا وانتهينا .....
وكان ترم ممتع ومتعب لنا
: 
فبعيد عن هدا كله تعالوا شوية ندردش خارج إطار الدراسة وماحولها
:
خطرت في بالي الافراح ( الزواجات) ( الاعراس) فأخترت ندردش فيها بما اننا من اماكن مختلفة ........
مرة قريت عن افراح بعض المناطق ومعلقين عليها كأنها عزا مو فرح بالذات عند الرجال
واستغربت!!!
فقلت خليني اسمع عن افراحكم وكيف نظامها
كل واحد يدخل يقولنا كيف
وايش الطقوس المعينة اللي تسووها كعادة تُميزكم .........
وانا حبدأ عندنا في المدينة
وتبدأ اول سطور الحكاااية الحكاااية الحكاااية الحكااية
كان ياماكان في بنت عايشة في حال سبيلها
في يوم من الايام جووا نااس يبغوا يصيدوها!!!
فاخدوا رقم اهلها
واتصلوا  وبينوا رغبتهم في البنت
اهلها وافقوا موافقة مبدئية ( لولولولولولوليش) فبدأ السؤال عنه
تقريبا شهرين لــ 3 شهور
بعد المدة هادي شافوا سمعة الولد طيبة
فبدأ الانتقال للمرحلة التانية ......
عاد الشغلة مراااااحل
مرحلة الشوفة
عندنا في الحجاز في الغالب اهل البنت والولد يوافقوا عالشوفة ويعتبروها ضرورية ويطلبوها
طيب...
صارت الشوفة وارتاحوا لبعض
 
طيب وبعدين؟
بعدها بأسبوع او اسبوعين بالكتير الملكة
لأنه البعض يعمل الملكة قبل الفرح يمكن بأسبوعين بس
هنا حااااار يافول على طول يسووها
وتبدأ فترة الخطوبة الطويلة
احيانا تتجاوز الــ 6 – 7 شهور
وبعضهم توصل لسنة
انا عن نفسي مايعجبني التطويل في الخطوبة يعني اشوف كفاية 5 شهور
طيب ملكنا وانبسطنا .... ايش نسوي ؟؟ ايش نسوي ؟؟؟ ياللا نشبك بنتنا
وياللا يا اهل البنت اتجهزوا واحجزوا وسووا الشبكة ........
طبعا الشبكة من ... الى على اهل العروسة.....
واهل العريس عليهم بس ,,,يتأنتكوا ,,, ويجوا القصر
[/align]
[align=center]
خلصت الشبكة ورجعنا بيوتنا عشان ناخد قسط وااافر من الراحة للإستعداد للمرحلة التانية
استعدادات الغمرة ( بضم الغين)
او ليلة الحنا
وطبعا هادي برضو على اهل العروسة...
وتتعمل قبل الفرح بأسبوع او كم يوم في استراحة او في البيت للأهلية والقرايب
يعني مو الكل يتعزم.
نجي ... بعدها ... لـ الليلة ... المنتظرة
ليلة الفرح او الجواز( بضم الجيم)
عاشوووووووو عاشوووووووووو 
طبعا تكون فيفتي فيفتي بين اهل العروسة والعريس
وتبدأ الهُليلة  عند الحريم
طبعا بالنسبة للرجال عندنا في المدينة اهم شي الزفة في الشارع ويكملوها عند القصر برا بالمجسااات
زي كدا ...
http://www.youtube.com/watch?v=cq1nl...eature=related
( عاد انا هدا اكتر شي يعجبني المجسات)
ويغنوا للعريس برا ويرقّصوه.........> طبعا لازم
ويدخلوا لقسمهم
ويكملوا مع الفرقة الينبعاوية ..........,عاد الفرق الينبعاوية بصمة عندنا في المدينة , عند الرجال " في الغالب "
بعد ماتنتهي الليلة في القصر
يكملوها في الشارع في زفة العريس وعروستة وهم في السيارة بالزمامير ,, وبواري السيارات
وبكدا تنتهي الليلة السعيدة ..........
جا دوركم
ها ياشهرزاد
ها ياشهريار
كيف ليالي ملاحكم
 [/align]
التعديل الأخير تم بواسطة نجۅۅ♥ۅۅاڼـ, ; 2010- 7- 4 الساعة 10:03 AM
|