وعليكم السلام ورحمة الله وبركاته
الله يعافيك يارب
طيب خطوتك ممتازة نزلي الملخصات اللي تبينها كلها .. انتي تستخدمين اي باد فقط صحيح ؟
الطريقة الأولى :
فيه قطعة يو اس بي بهذا الشكل
تلاقينها بجرير ومكاتب ومحلات الكترونية وبتلاقين في اي ستور واي مشين تفيدك كثير وبعدها ودي الفلاش مكتبة واطبعي ملخصاتك انا دايم اطبعها بالمكاتب بفلاشي .
الطريقة الثانية :
حملي الملخصات اللي تبينها وارسليها ايميل لنفسك .. افتحي ايميلك بكمبيوترك او كمبيوتر اختك او اخوك او زوجك او جارتك او اي احد تعرفينه ودايم انتي معاه وحمليهم من الايميل وحطيهم بفلاشك واطبعي عند مكتبة
اذا ما ناسبتك اي وحده من هالطرق
اذا انتي بالشرقية روحي مكتبة فجر في شارع الأمير نايف قدام كلية البنات ، أو مكتبة المتنبي بشارع المستشفى المركزي أو مكتبة الهندسة في حي الفيصلية شارع عمر بن الخطاب رضي الله عنه
واطلبي منهم المحتويات اللي تبينها
تجربتي مع هالمكاتب
1- فجر أول مره تهاوشت معاهم
لأن نظامهم تطلبين قبلها بيوم ثم يعطونك وكنت ادق عليهم وما يردون لين جيتهم المحل وادق على تلفونهم قدامي قدامي يدق وما يردون
.. بعدين تسنّعوا وصاروا كويسين
2- المتنبي عطوني اياها بنفس اليوم لكن لخبطوا لأني طلبتهم محتوى وليس ملخص .. قاموا طبعوا ملخص قلت انا طلبت محتوى مش ملخص وأكدت عليكم رجعوا كثفوا اعتذارهم جداً وحطوها على العامل المسكين وطبعوا لي المحتويات وحبيت خدمتهم وكلنا معرضين للخطأ .
3- مكتبة الهندسة كويسين جربتهم مره وحده بس .
عاد علمينا وش يصير معك عشان نطلع لك حلول ثانية لو ما ناسبك اي شيء
