مساء الجوري
قربك عذاب و بعدك اقسى من المـوت
يعني على الحالين مـا عـاد بـه طـب
حيل الله اقوى لو غدى الحلـم تابـوت
اسكن زوايا ظلمتـه و السبـب حـب
أي والله إني من عنـى الحـب مبهـوت
من يوم ما شفت الهـوى داخلـي دب
وش ذنب عرق القلب لو يعزف النـوت
لحن الرحيل اللي مـع الساريـه هـب
اوتـاره الدمعـه و ترنيمتـه صـوت
ريح العتب من هاجسٍ داخلـه شـب
كنه ظنون الوقت .. دونه أمـل قـوت
يشبـع حنيـن ايتـام .. دارٍ بـلا أب
و اجدب فصول الحب .. فصلٍ به التوت
ينادي المزنه .. متـى حـروة الصـب
يمكن اعيش ايـام و ايـام بـتفـوت
اسيح في ارضـك و ادور عـن اللـب
عن المشاعر .. عن هوى صار مكبـوت
كله رجاء يرجع و هو يدعـي الـرب
ممقوت كبت الحب .. عن جد ممقـوت
أسلم و علمني و كـب الحكـي كـب
دامك عذاب و دامك اقسى من المـوت
يعني على الحالين ما عـاد بـك طـب
للشــــــآعر ناصر السحيمي