[align=center]
مساكين الحريم عندكم كل شي عليهم خلين احكي حكايتنا في الشرقيه
اولا الام تكون الام شافت العروسه في زواج اوعشاء المهم اعجبتها تروح تزورهم في البيت
بعدين تقول حنا نبي بنتكم لولدنا وحنا من العائله الفلانيه وبعدها بكم يوم ترد ام العروسه على ام المعرس
احنا موافقين بعدين يروح المعرس وابوه واخوانه يخطبون بشكل رسمي بعدين يردون عليهم انهم موافين
بعدها باسبوع تقريبا يروح المعرس وابوه واهله للملكه يتملكون وفي نفس يوم الملكه يعطونهم 60 الف ومافوق المهر ومعاهم شنطه فيها عود وعطور وبشوت الابو العروسه وعمامها والشبكه الى ماتقل عن 20 الف
وعليكم الحساب كل شي على المعرس الله يعينه بعدها يبدا المعرس بتجهيز الشقه من اثاث وغرفه نوم والصاله والمجلس والمطبخ ومواعينه من الى وبعد ماينتهي من الشقه يبدا بتجهيزات العرس الي هي يحجز القاعه ويحجز العشاء ويزين الصاله بالورود وغيره ويحجز العصاير و.....الخ يبدا بنفسه يحجز سياره للزفه لازم تكون اخر موديل طبعا اجار ويحجز الفندق والمصور مسكين والله مايجي العرس الا وجهه معصور من كثر الفراره
هههههههههه عشان كذا الشباب اكرهو العرس
نجي للعروس اخذت المهر والشبكه يالله يبدا الشغل فرفرفر من سوق لسوق ومن مجمع لمجمع ومن مشغل لمشغل ومايبقاء كريم ولا خلطه الا ماتحطها شوفي الثلاجه بس كريم وجه ودهن شعر وكريم يدين ووووالى اخره المهم اذا جاء يوم العرس من الساعه تسع وهي متنقعه في المشغل ولا تاكل ولا شي من الخرعه طبعا لانها ماشافت المعرس لاالحين ولطخ بذا المكياج والتسريحه وتلبس وتروح للصاله
والمعرس يكون جاي مع ربعه زافينه من الفندق على الصاله بعدين يدخل على الرجال ويسلمون عليه بعده يروح لصاله الحيم ويدخل ويشوف العروس الي طبعا ماشافها بس عن طريق وصف امه واخته له ويصورون مع امه وخواته والعائله الكريمه بعدين ياخذ العروس ويروحون
وطبع كل هذي المصاريف قرض من البنك والله يعينه على السداد
وتوته توته خلصه الحتوته
[/align]