ماشاء الله شكلها اعراسكم حلوة بس حوسة ومكلفة كثير خخخخخخخخ
احنا عندنا في الاحساء الحريم يفرفرون من بيت لبيت ومن عرس لعرس
واذا عجبتهم وحدة يروحون الحريم لبيت العروس او يتصلون تيلفون مافي مشكلة خخخخخخخخ
وبعد السؤال عن الولد وكل شي عنه والمدة تختلف من رجال للثاني
بعضهم ياخذون شهر وبعضهم اقل وبعد الموافقة
يجون العريس وابوه وعمامه وخواله يخطبون رسمي
وتالي يسون تخليل الدم او يسونه قبل خطبة الرجال
وبعدها تجي ام العريس وخواته يجيبون هدية للبنت ملابس وقماش وهذا يختلف كل واحد بكيفه
ويجيبون المهر معاهم وهو 25 ألف واذا كان الولد يقرب للبنت ومرتبه على قده يجيب 20 ألف
ويجيبون طقم ذهب وام العريس تلبسه للعروس ومعاه الدبلة
اما النظرة الشرعية مو دايما تصير بعضهم يوافقون وبعضهم يرفضون
وبعدها يحددون الملكة ويشوفها ويلبسها طقم الذهب مع الدبلة
ويطلع معاها ويبداون تجهيز للعرس
اثاث الشقة وغرفة النوم وكل شي للشقة والبنت تحوس في الاسواق
وفي يوم العرس من الصبح العروس في المشغل والعريس في النخل مع عيال عمه وخالته
يسبحون ويستانسون ويفلونها ويرقصون وكل شي
تالي بعد السباحة يزينون سيارة العريس ويفحطون في الشوارع ويسون ازعاج خخخخخخخخخخخ
والساعة 10 او 11 تروح العروس لصالة العرس والساعة 1 او 2 يدخل العريس الصالة وياكلون الكيك ويشربون العصير وبعدها اهلهم يروحون معاهم شقتهم يغسلون ايدين المعاريس بماي ورد ورجولهم بعد يغسلونها
وبس تخلص ليلة العرس ونجي لليوم الثاني الصباحة اما في بيت اهل العريس او ياجرون مكان ثاني
تتزين العروس وبعضهم يروحون مشغل وتقعد على كرسي ويغنون عليها وبس تنتهي السالفة هع