أهلا أهلا ~
أنا الحين أدرس دبلوم تربوي بالتربية ~
بصراحة الدراسة عندهم يحتاج لها جهد وتحتاج تفرغ وصعبة ~ بس الناتج بإذن الله جميل ..
تعامل الدكتورات جميل ، بس يكرفون ~ فلا تنصدمون أول الأسابيع إن شاء الله مع الوقت اعتبريه تحدي لك ، وبإذن الله تنجزين ، ودعواتكم ربي ييسر ..
المقابلات شيء مهم جدا ، مو كل من رُشحت للمقابلة انقبلت ..
فيه بنات كثير معدلات أعلى من بنات ، واللي اقل بشوي انقبلوا والفيصل المقابلة ..
اللي أذكره من أسئلة المقابلة :
ـ سألتني عن معنى اسمي أول شيء ، لأن اسمي مو منشر كثير ..
وقلت لها سبب التسمية لقصة بالقران وجبت الايات وكذا ،
عقبها جلست تسألني بحكم تخصصي دراسات : هل لو وجدتي نظريات مخالفة شرعا راح ترفضينها كلها ؟
وحاولت تستفزني ، وقالت لا تقاطعيني وكذا ، فسكت ،
بعدين سألوني عن الأشياء اللي تدل على ثقافتك ؟؟
وليش تدرسين دبلوم تربوي ؟
سألوني : ايش المواد اللي تدرس فالدبلوم ؟
وتوهقت بهالسؤال بس قلت لها ما نزلتوا بالموقع عن خطة الدراسة ..
بس عموما المواد اللي تدرس بالدبلوم التالي :
تربية خاصة
البحث التربوي
علم نفس تربوي
بناء المناهج وتطويرها
مبادئ التربية
استراتيجات تدريس عامة
استراتيجيات تدريس حسب التخصص
تطور نظام التعليم في المملكة
إدارة تربوية
علم نفس النمو
القياس والتقويم
مشكلات تربوية
أخلاقيات مهنة التعليم
تقنيات التعليم
التوجيه والإرشاد
تصميم التدريس
تدريب ميداني
طبعا الفصل الأول تسع مواد والثاني ثمان
وضغط جدا ، وأصعب من البكالوريوس لانهم يعتمدون بدرجة كبيرة على البحوث والأنشطة والعروض أكثر من الامتحان ، والاسئلة دقيقة ~ بس ممكنة مش مستعصية ..
حبيت أفيدكم ~
والله ييسر لكم ..