المشاركة الأصلية كتبت بواسطة rashed

اذا كنتي ارسلتي المواضيع بنفس الطريقة هذي فهي ممكن تحتاج تخصيص اكثر

الموضوع الاول :
التعليم عن بعد و مشاكله في جامعة الملك فيصل

هنا اشوفه ماهو مخصص مخصص للجامعة فقط بس ماحددتي كثير مثلا

ممكن تقولي
مشاكل اكتساب اللغة الانجليزية لطلاب تخصص اللغة الانجليزية بالتعليم عن بعد في جامعة الملك فيصل

هنا حددتي المشكلة و حددتي التخصص و باي جامعة كذا اشوفه افضل

وممكن تتخصصين اكثر عندك فئات عمرية كثيرة تدرس عن بعد ممكن تحددينها اكثر كذا ويصير اسهل عليك بالبحث

الموضوع الثاني :
تاثير وسائل الاتصال الاجتماعي "تويتر + انستقرام "

موضوعك مجاله واسع مشاكله في ايش وو ين ما حددتي

الفئة العمري- المجتمع - الثقافة .... الخ بس بنفس الوقت

لازم تحددين انه باللغة فتخلين تاثير وسائل الاتصال على اللغة وحددي برنامج واحد لا تكثرين على نفسك

الموضوع الثالث:
تطوير اللغه الانجليزيه للفئه العمريه بين 16 الى 20 سنه

اوكي حددتي الفئة العمري بس وينهم وين يدرسون مدرسة جامعة ثانويه ايش طريقة التعليم وتطويرهم .. الخ

تحددين يا اطفال او كبار وبعدها تحددين الفئة العمرية بالادوات مثل انك راح تسوي مقابلات للفئة العمرية من 10-15 سنة وراح تعملي اختبار للفئة العمرية من 5 -9 سنين وكذا

العنوان ممكن يكون
تطوير اللغة الانجليزية للاطفال عن طريق الاعاب في المدارس الابتدايئة في الرياض

كل ماحددتي كل ما سهل الموضوع عليك وقل فرصة انها ترفض الموضوع