قالوا سألتي .. عني سألتي ..

وأنا ما أدري ويني .. ضايع يا عيني ..

ما أدرى وش اللي ذكرك ..

مقطع شعر في دفترك ..

وإلا الكلام عن صاحبك ..

وإنت عقدتي حاجبك ..

قلتي كلام كله كذب ..

وليه اتصلتي .. عنى سألتي؟

آخر لقانا في الخريف

تذكري الثوب الخفيف

والبرد .. يوم خفتى علي من البرد..

وأمطار الخريف..

ومرت سنة يمكن سنين

ويني أنا ووين السنين؟

قلتي كلام كله كذب

ليه اتصلتي.. عني سألتي ..

صوتك طيور مهاجره ..

مرت في قلبي مسافره ..

والــب .. لو طال الغياب أول مداك وآخره ..

غيبي سنه وإلا سنين ..

بااجيك أنا .. وإلا تجين ..

بدر بن عبد المحسن