|
روح وحدة للأبد ماعمرنا كنا ثنين
ذكرى في عالم آخر
جيت أقلك شيء يادنياي ياروحي وعيني~~كلمة أبغى تذكريها لجل أبد ماتحزنين
إن مهما رحت أي عالم وأي شيء بيجيني~~دآيم أنا كلي أنتي للأبد ماتنتهين
بس ممكن ياحنونه تحطي قلبي في يديني~~أدري انه مابيقدر وأنتي لاماتقدرين
لايهمك بس لحظة يامنآتي ياسنيني~~أدري مقدر اتركك وانتي أكثر تعرفين
دام هذا الحظ عاثر والمسافة معانديني~~بظلمك ويآي لو ماقلت روحي يالحنين
بس لحظة..في يدي واتمنى تعذريني~~وأدري ان النبض واقف فيه ينزف بالأنين
ايه انا أدري وش بعد نزفه بيحصل صدقيني~~كم بقى لي يازماني كم بقى ويالضنين
أعتقد لحظات لكن أسمعي لاتحرميني~~أني أرحل قبل شيء تنظرينه تدمعين
اهي لحظة..يوم أقفي قفي أنتي أوعديني~~يوم روحي هي بترحل دمع مبغى تذرفين
ماتشوفيني أحاول اعجل الخطوة يميني~~التفاتة أرجوك لا..والحذر لاتنظرين
آخر اللحظات ياقلبي وهذي هي يديني~~وآخر اللي بطلبه أوعدي ماتخلفين
شيء واحد ياحياتي لجل خاطر تسعديني~~إنك تعيشين بعدي في حياتك تهتنين
هذي ياروحي وصاتي وآخر أفراحي بعيني~~ياغلاي الباقي الله يسعدك في كل حين
يالله انا أودع الله اللقى بينك وبيني~~روح وحدة للأبد ماعمرنا كنا ثنين
|