لا تكـلمني قـبل تنفض غـبارك
أو توفي للوصل أيام دينك !!

كم سهرت الليل متحرّي نهارك
كل طلّت صبح أحـسبها جـبينك

كل يوم أجي أسيّـر عند جـارك
ولا كتب ربي لقا بيني وبينك !!

وأنت تدري راحة القلب بجوارك
يوم ما حـدّك ولا هـزّك حـنينك

ما أبي تتعـذر وخـلّ إعـتـذارك
بس أبي ما تغيب يرحم والدينك

حتى لو البعـد ما كـان إختيارك
قلّي ظـروفك وأقول الله يـعـينك

لا تضيّـعني بـ لحـظات إنجـبارك
دامني ضيّـعت هـ العالم لـ عينك

زين شاورني قبل تاخذ قرارك
لا تخليني كذا الله لا يهينك !!

لك شهر وشوي مدري وين دارك
يا أخي أتعبني غيابك أنت وينك !!

أنا وأشواقي وقلبي وإنتظارك
فاقدينك .. فاقدينك .. فاقدينك

أحمد المجاحمه