عندما يقترن الشعر بـ " ابن فطيس " تجد الإبداع << قرب ياولد قرب :)
[ALIGN=CENTER][TABLE1="width:95%;background-image:url('http://www.m5zn.com/newuploads/2015/03/12/jpg//cee4921c8b1cb15.jpg');"][CELL="filter:;"][ALIGN=center][imgr]http://www12.0zz0.com/2015/03/12/13/226778906.jpg[/imgr]
البارحة ربـي كتـب لـي ومريـت
دربٍ عليه بـروق الأحبـاب لاحـت
جيت المكان اللـي جمعنـا وخفيـت
وقامت جروحي للجـوارح وصاحـت
ياليتنـي فـي لفـة الـدرب زليـت
كان العيون مـن الدمـوع استراحـت
إلتم غيـم الدمـع مـن يـوم لفيـت
وورقا القصيد لشوفة الغيـم ناحـت
وضحكت ما أبغي الناس تدري يبالفيت
لكنها غصبٍ علـى العيـن ساحـت
حارت دموعي في عيوني وصديـت
وأرمشت مابيها تبيـن .. وطاحـت !!
وعقبه برق في العين براق وأسقيت
خـدي ووناتـي بصـدري .. تلاحـت
وأنا أحسب إني في فراقـه تشافيـت
وإن عبرتي من مدخل الزاد زاحـت
اللي يحسب إني على البعـد سجيـت
وإلا إن عيونـي للرقـاد إستباحـت
ياليتني مـن قبـل لا أحبـه اقفيـت
وإلا إن دروبي عن دروبـه تناحـت
أهون علـي مـن البكـا والتناهيـت
وأشلا من سدودٍ على النـاس باحـت
عرفت كيف الحي يفرق عن الميـت
وعرفت قيمة نعمتـي يـوم راحـت
قولوله إنـي عقـب بعـده تدانيـت
ورجلي عن دروب المعافين شاحـت
البعد نار وطاعـة العـذل كبريـت
يقصر على بعده .. ترى الكبد فاحت
 . ــ . ــ . ــ . ــ .
https://www.youtube.com/watch?v=p7aXQqprEYo
ــــــــــــــــــــــــــــــــــــــــــ
إذا أعجبتك القصيدة ياليت تعبر عن اعجابك 
حتى لو ما عجبتك عادي اكتب رد   
المهم لا تطلع من الموضوع إلا وأنت معلق  << بلييز 
[/ALIGN][/CELL][/TABLE1][/ALIGN]
التعديل الأخير تم بواسطة * Sarah * ; 2015- 3- 12 الساعة 01:28 PM
|