السلام عليكم ورحمه الله وبركاته
**احرصي على الحضور مبكرررا من ثمان لان العدد في كل يوم ستين طالبه
انا جيت تسع ونص ورقمي بالاربعينات
**الوقت ماكفى لدرجه ان 13 بنت اجلوا مقابلتهم بكرا
**جوال الكام مسموح ولحد يفتش اصلا بس لاتطلعينه قدام الامن
**الاوراق مهممممم تجيبين صور من كل شي وثيقه والسجل والاثبات
**مكانهم جنب الكافتيريا حقت العلوم في مبنى صغير مكتوب عليه من برا مقابلات المرشحات
**المقابله مع ثلاث دكتورات
**اللبس والهندام مهم وعليه تقييم احرصي على عدم لبس العبايه عادي تنوره لون غامق ومو لازم طويله يعني ميدي عادي
لحد يتحمس ويفتح شعره ولاكيرلي خليك بسيطه سويه بوني تيل او بن المكياج خفيف قد ماتقدرين بدون عدسات والوان صارخه خخخخخخ لحد يلبس كعب بليززز
**الأسئله تختلف من شخص لاخر من ضمنها
عرفي عن نفسي>>>ضروري هالسوال
اسمك وعمرك وتخصصك وجامعتك وحالتك الاجتماعيه وميولك بس باختصار
وش سويتي عقب التخرج
وش هدفك من الدبلوم
اخر كتاب قريتيه
وش استفدتي من دراستك
اخر خبر محلي او دولي سمعتيه
دولي>>سحب سفراء من قطر او مجلس الدول العربيه بالقاهره او تفجر طائره ماليزيه
محلي>>اقامه معرض الكتاب بالرياض او الداخلية: لا صحة بالسماح للفتيات الاطلاع على معلومات طالبي الزواج منهن او الإسكان: الحصول على المسكن خلال 7 أشهر لمن تقدم عبر «البوابة الإلكترونية»
لو كنتي مدرسه بيقول لك القي علينا درس >> يعطونك بس كم دقيقه يشوفون اسلوبك
بيقولون لك عطينا مشكله واوجدي حل لها
ممكن يعطونك ظاهره ورايك فيها الطلاق او البويات او اي ظاهره في بالهم عاد انتي جهزي ردي اوافق والاسباب واعارض والاسباب خليها اجابات عامه
**عند الدخول صافحي الدكتورات وخليك مبتسمه ظهرك خليه مشدود لاتحطين رجل على رجل
واحرصي على انك تحطين عينك بعين الدكتوره
**الوقت يختلف من بنت لاخرى من دقيقتين الى سبعه يمكن
**لاتتكلمين في شي ماتعرفينه وتتفلسفين واجدددد لان بيسالونك خلي اجابتك متوسطه لاقصيره ولاطويله
موفقاااات حبااااايبي ودعواتكم لي بتسهيل اموري
----------
امممم يعني مشكله تاخر دراسي لطالب
الابتعاث الخارجي وخطره
اصدقاء السوء
الالعاب الالكترونيه وخطرها على الاطفال
العنوسه
تاخر الزواج
العنف الاسري
البطاله
الفقر
المخدرات
الاميه
عند الاجابه على اي سوال اسكتي كم ثانيه ثم جاوبي لاتكونين متسرعه
ولاتبين لهم انك حافظه الكلام حفظ ههههههه
بالنسبه لي سألوني عرفي عن نفسك؟
بعدين قالت منو عسجد؟! قلت لها انسانه مكافحه طموحه
قالت وش طموحك؟
قالت ليش اخترتي مجال التعليم؟
شنو مواصفات المعلم الناجح؟
خذتي دورات حاسب وانجليزي؟
بعد ما قلت اني اخذت دورات حاسب تتابعت الاسئله على الحاسب
شالدورات اللي خذتيها ؟ شتعرفين من برامج؟ شتعرفين تسوين بالفوتوشوب؟ ممكن يخدمك في التعليم؟
ليه تقدمتي للدبلوم؟
قالت لي انا اعتقد ان عندك هوايه حاطتها براسي بشوف اذا صح والا لا؟
ابتسمت وقلت لها انا هوايتي بعيده عن هذا كله انا احب الكروشيه
قلت لها شنو الهوايه اللي حاطتها براسك قالت لي توقعتك تحبين التصوير
قلت لها لااااا بالعكس
بعدين سألوني ليه ما تحبين التصوير ،
وبعدين شكروني وقالو المقابله انتهت
وانا بدوري شكرتهم وطلعت
المقابله بشكل عام مريحه واقرب للتعريف عن نفسك وفيها كم سؤال تربوي
بالنسبه لي ما حبيت اصافحهم اكتفيت بالسلام
في بنات قالو لهم شلون تتعاملين مع الطالب العنيد
ووحده سألوها عن مبيد حشري حق المزارعين والبعض يستخدمه في البيوت!!
اللي لاحظته ان اللي تقولينه تتابع حوله الاسئله وبعدين يغيرون الموضوع وهكذا
التقييم يتم حسب المظهر وسلامة النطق والاتزان الانفعالي والثقافه ...
حاولي تسيطرين على نفسك وخلي جلستك سليمه ومظهرك مرتب وواثقه من نفسك
وفالكم التوفيق
دعواتكم
صح وسألوني وشلون ثقافتك
شتحبين تقرأين عنه
في بنات ما اخذت دقيقتين وفي بنات ما شاء الله هروها اسئله
كانت الكراسي موزعه جنبك وحده وثنتين قبالك
اقرب ما تكون بجلسه وديه وسوالف ، اخذوها من هالمنطلق علشان يخف التوتر معاكم
اليوم تقريباً دخلت 49 بنت والباقي عطوهم موعد بكره
اول شي لابد من احضار صور للوثائق ومطابقتها والحصول على رقم
ثم التوجه للمبنى الآخر وانتظار دورك
بالنسبة للمقابلات حبيبتي قريت وسالت شخصيا كذا بنت بتجمعات سابقه ان اسىلة روتينية عرفي عن نقسك وكيذا ؟؟ يعطوكموضوع ويقولون قولي رايك فيه يعني مارأيك مثلا بارتفاع نسبة الطلاق ؟؟ ايش فايدة تخصصك ..انتي جادة بدراسة الدبلوم
احيانا اسئلة مفاجئة بس اهدي وجاوبي احيانا يحاولون يستفزونك؟؟
بس اهم شي لا تتوترين واجابات مختصرة وبثقه
ذكرتيني على حسب اجابة الطالبة مرة سالوني في مقابلة الانجليزي ايس تحبين قلت ادب انجليزي وياليت ماصدقت البنت وقلت قالت شتحبين من الشعراء قلت شكسبير من الانجليزي واحمد شوقي من العرب وكمشاعر حتى نسيتهم بس ايام كنا ندرس الادب
وقالت اذكري لي كلام او شعر كتبوه وحسيت نفسي دخلت متاهة مالها نهاية
بما انكم تخصصكم غير تربوي .. احتمال يرد لكم سؤال بالمقابله وهو : كيف مارست الدور التربوي وانت غير تربوي ؟
من باب الطمأنينه .. اغلب المقابلات هي لكشف سلامة النطق وسلامة الحواس والاتزان النفعالي بغض النظر عن اغلبية اجابات الاسئله
وهذا ماقرأته بورقة مقابلتي لدبلوم التوجيه والارشاد
سئلوني :
تحدثي عن نفسك نقرتين لعرض الصورة في صفحة مستقلة ؟
أهدافكنقرتين لعرض الصورة في صفحة مستقلة ؟
اخر كتاب قرائته ؟ <<< واشياء لها علاقة بالكتاب نقرتين لعرض الصورة في صفحة مستقلة
ايش استفدتي من الكتاب ؟
الدورات الي اخذتها ؟
هل انا اعمل موظفه ؟
هل انا معلمة ؟
اسمك
تخصصك
معدلك
متوظفة
هلى تعتبرين الدبلوم مهم بعد ماجربيتي الشغل ولا موب مهم
كم طفل لديك
وين تشتغلين
ايش اهتمامتك
ايش تقرين
اهم الشخصيات اللي تقرين لها
كم سنة لك متخرجة
وليه تبين تدرسين الدبلوم النربوي
عرفي غن نفسك؟؟
وش اساليب الحوار
وش ميولك
وش اخر كتاب قريتيه
واسئلة كثيرة
--------
التوجيه
نوعية الاسئله عامه .. عرفنا عن نفسك .. لماذا اخترت هالتخصص
اسئله عن موقف تربوي لمشكله ما .. باختصار .. مقابله عامه
الله ييسر الأسئلة نفس ماقلت معلومات عامة والمعلم مايطولون معه خمس دقائق سألوني عن الميدان وكم حالة اكتشفتها واحلتها للمرشد؟ وماالفرق بين الاختبارات الرسمية والغير رسمية؟