|
رد: تجمع المتقدمين للدبلوم العام في التربية لجامعة الدمام
بسم الله الرحمن الرحيم
اليوم كانت مقابلتي ولله الحمد
أول شي لااازم تكون اوراقك كاملة أصل وصورة عشان ماتتعبين وتروحين تدورين التصوير تصورين >> 
1. وثيقة التخرج أصل وصورة.
2. بطاقة الأحوال أصل وصورة.
أو بطاقة العائلة أصل وصورة.
3. السجل الأكاديمي أصل وصورة.
4. شهادة اختبار قدرات الجامعيين.
المقابلة كانت في مبنى ( كلية التربية 1 ) جنب الكافتيريا
وراح تشوفون اللوحة كبيرة
اول شي ادخلي عندهم خذي رقم وبعدها انتظري دورك
كان العدد كبير 72 تقريباً وفيه توجيه وارشاد
بعدين المقابلة بتكون فوق
هم ثلاث دكتورات
بالنسبة لي الأسئلة:
عرفي عن نفسك
( اسمك وعمرك تخصصك طموحك هواياتك ...)
اي شي حابه تقولينه واذا معدلك اقل من جيد جدا لاتجيبين طاريه الا إذا سألوك عنه
اش سويتي بعد التخرج؟
اخذتي دورات؟
اش هدفك من دراسة الدبلوم؟
وانتبهي لاتقولين عشان الوظيفة أو جدارة
وحدة قالت كذا وماعجبهم ردها
وبعد اش اخر كتب قريتيها؟
وش قريتي كتب عن تخصصك ؟
وس المواد اللي تدرس في الدبلوم؟
بس هذي أسئلتي
أهم شي توكلي على الله وقولي الأذكار الصباح وثقي بنفسك لاتتوترين أبداً خليك ريلاكس مهما صار
واجلسي باعتدال والعباية شيليها قبل ماتدخلين لان بيقولون شيليها
واي شي جاوبي عليه لاتقولين ماادري
وكوني واثقة بنفسك قدامهم
بس هذا اللي عـندي
بالتوفيق لي ولكن جميعاً
|