|
رد: تجمع المتقدمين للدبلوم العام في التربية لجامعة الدمام
جهزت اغراضي واوراقي من أمس
وكويت حتى العباية والقلفز << والله من التوتر 
قمت الفجرية صليت ودعيت ربي يسهل امري
خرجت 7 وعليها ووصلت 7 ونص الحمدلله قريبة من بيتي
دخلت بس مالقيت احد
رحت الكفتيريا وروقت مع صاحبتي ورجعت ع 8 لهم ولقيتهم فاتحين ويوزوعون الارقام
خذيت رقم وجلست
شوي ونادوني وعبيت ورقة ربعها وقالت تفضلي شوي وناديك للمطابقة
طولت المطابقة شوي ع عشرة وشوي طابقت ورقي
والدكاترة الثلاثي المرح اللطيف كان لهم اثر كبير في تخفيف توتري
جلسو يمزحون معي شوي وهم يطابقو الورق
وقالو لي مرة منظمة ومرتبة ماخذنا معاك الا خمس دقايق
طلعت من هنا ونادوني للمقابلة فوق على طول من هنا
رقينا فوق وكانو فيه مجموعة
اللجان ثنتين
لجنة 1 << لجنة النرفزة والاستفزاز 
لجنة 2 << لجنة كانت لطيفة ع كلام اللي طلعو منها
المهم
دخلت عاللجنة الاولى الساعة 11 وثلث
والمفروض اكون داخلة من بدري بس قدمو بنات بالعشرين علي رقمي 
مافي تنظيم نهائي جدا
والموظفات تحت تحسين الاخلاق قافلة مع اني كنت جدا لطيفه
ماعلينا اخلاقهم تمثلهم 
نرجع للمقابلة
قلت ادعيتي واستغفرت
دخلت وقالو عرفي عن نفسك
جاوبت تمام
وقالو ايش هواياتك
فرديت : ببرامج التصميم والجرافيكس
: أيش يعني جرافيكس ؟ ماعرفه اشرحيه لي
: حلو عندك مشروع ؟
: ايش سويتي بعد التخرج ؟
^
الحين بدا الاستفزاز الحقيقي
ليش قررتي اخذ الدبلوم ؟
قلت بطبعي ماحب قعدة البيت واحب افيد اللي حواليني
ردت علي : بس كذذذذذا ؟
قلت لا طبعا مو بس كذا
قاطعتني الثانية : انه تدرين انك نهايتك معلمة ؟ << باستخفاف علشان اعصب
رديت : وايش فيها المعلمة ؟ بالعكس مهنة نبيلة ولها رسالة توصلها
: انتي ايش رسالتك؟
: اربط تخصصي بالتربوي واخليه شي ممتع وبديت اشرح لهم شلون الفيزياء ممتعه
: انتي تشوفي نفسك كمعلمة ؟
: ايوه ولا كان ماقدمت عالدبلوم
: ورجعو للاستفزاز بس كذا قررتي بدون ماتجربي انك تصلحي او لا يعني التدريس صعب مو اي احد يقدر عليه
: الانسان لازم يتحدى نفسه علشان يكتشف قدراته وانا اشوف الدبلوم فرصة حقيقة للشي هذا
حلو الطموح ولا ؟
: ردو علي ايوه حلو
خلاص شكرا ياكبرياء ماقصرتي تفضلي
: شكرا , يعطيكم العافية
--
طبعا بنات اللجان اتوقع كلها تستفز الوحدة
بس لجنتي كانت تستميت في الاستفزاز
اللي قبلي طلعت محطمة زي اللي انتي مادية ويهمك الراتب
فيعني انتبهو وانتو تجاوبو لا تعطوهم فرصة انهم يزيدو من الاسئلة اللي تربكك
طبعا هم
سؤال ورا سؤال
مافي نفس
حافظي على ابتسامتك وعلى ثقتك وكلها تساهيل من ربكم
والله يسهل لنا القبول النهائي 
|