برق تلظى للــــــخوالي بريقـــــه
شح المطر في خافيات الضلوعي
بي من بلاوي الوقت همٍ وضـيقه
دنياي ما جتني على كيف طوعي
..
بي من جروح داميات وعتـــــيقه
لا قلت هانت طاول الوقت روعي
أضحك وأجـامل بس وين الحقيقه
قامت حدر شمس الليالي تموعي
..
محـدٍ درا بالحال وش اللي يعــيقه
أسري ظلام الليل وأنور شـموعي
يا حسـرتٍ وسط الضلوع الشـفيقه
ويا عبرتٍ باتت تسابق دمـــوعي
..
أسـرح من الأيام وبكل طريقــــــه
وأخفي بوسط الروح همٍ جزوعي
ولو كان شـبت بالضماير حريـــقه
والله مابيـــنت لحــــظه خضوعي