كان شفتي يا بت هندسه........
خطواتي دايماً بالغلط .. وأموري ديما معكسه
يوم داك مساهر فى الهدوم .. وكويتا جيت شان ألبسه
لقيتا الصباح حقت أخوي .. وهدومي قاعده مكرفسه
كان للهدوم ما مشكله .. بشوف لى مصيبةٍ ألبسه
لكن هواك أعملو إيه .. دش دش عظامي وهرسه
داير ليّ فرصه أكون قريب .. طبله قليبيك أفلسه
عشان تشوفى هواكي كيف .. بهدل عواطفي ودعفسه
كلماتي ليك أتبشتنت .. ما زي زمان متهندسه
حتى الشعر ألكان زمان .. كلماتوا حلوه مملسه
هسى أتلخم بقى كيف كده .. مافيهو كلمه مهندسه