|
***** عسى اللي يلوم مولع القلب لاشكى *****
عسى اللي يلوم مولع القلب لاشكى
يمره من اللوعات ما يفحص أخلاقه
،،،،،،
لو إنه مجرب حالته كان ما حكى
خلاوي يقضّي نص ليله على ساقه
،،،،،،
لا ناموا عباد الله على كوعه ارتكى
تقول إن بين ضلوعه النار شعاقه
،،،،،،
وأنا عقب صد الزين يعذر لي البكا
أبو مبسمٍ منه العسل يوخذ ذواقه
،،،،،،
دخلت بغرامه لا غباوه ولا ذكا
وبغيت الخروج وسكّر الباب والطاقه
،،،،،،
سقا يوم كنا نبدي العشق وشركا
أقدم له أشواقي ويهدي لي أشواقه
،،،،،،
توافق مشاعر مثل عوده ومستكا
تمر السنين وبيننا ولف وعشاقه
،،،،،،
لكنه بعد ما زاده الملح ما زكا
أجي له على فاقه وأعوّد بلا فاقه
|