[align=center]السلام عليكم
نيرسات المستقبل :g8:
حابه اسالكم عن الدراسه بكلية سعد على حساب الوزاره شنو الشروط والنسب اللي يبونها
ومده وطبيعه الدراسه هل هي دراسه بنظام جامعي يعني نظام ساعات
واذا تخرجت ان شاء الله ادرس بمستشفيات حكوميه ولا الزامي بمستشفى سعد
على حسب :
اذا انتي دارسة على حساب الوزاره! بعد التخرج انتي حره تشتغلين في اي مستشفى تبغين
لكن اذا دارسة على حساب الموارد . فـ الزامي تشتغلين بسعد 5 سنوات
ودرجه الدراسه دبلوم ولا باكالوريوس للتمريض والكتب انتو تشترونها ولا لا
لا بكالوريوس ( 5 سنوات .. 4 دراسه والاخيره تطبيق )
ومانشتري كتب يعطونا ملازم تستعيرنها من المكتبه وتقدرين تصورينها وتخلينها لك
واذا احتجتي كتب .. تستعيرين من المكتبه
والحين لما ادرس مثلا من اول يقولون انهم بيتكفلون اكيد بمصاريف الدراسه ولا بعد بفتره احتمال يضموني أو لا لأن انا ماعندي مقدره ماديه اني ادرس على حسابي :no2:
وضعك اول اسبوعين ماراح يكون اكيــــد
لأن وقتها بيشوفون اذا الموارد راح تقبلك .. والا يحولونك على الوزاره
او على حسابك الخاص
يعني اول اسبوعين .. ماتضمنين شئ
وشلون الدراسه بالكليه تحسون جديين ولا عادي كأنها معهد :s12:
والأختبارات شلون
الدراسه بالكليه مره حلوة .. انا عن نفسي امدحها
كأنها جامعه من جد .. مو معهد وشو معهد
تراها كلية سعد لكن الدراسه من جامعة بريطانيا " اولستر "
[/align]