بعض من أوراقي اللتي أجدها بين فترة وأخرى وشخابيط أكاد أحيانا أنسى مكانها
لكن الحروف الجميلة تكون بحد ذاتها رائعه حتى بدون قصة
أحب المطر وأعشق سماه وصادق دموعه
يغسل كل شيء ماضي ويطوي صفحة اللي كان
ويهمس للبشر لكن حروفه ماهي مسموعه
ولايسمعها غير اللي بقلبه م الهموم أشجان
سحابه والبروق أنوار يشعل فيهم شموعه
ينور وحدتي بالليل دآيم في خيآل انسان
يقول اشفيك وشصاير بهالعبرات مجموعه
اثاري قلبك الوافي كتم لجل الغلا عنوان
تعال اجلس بجنبي الحين تعال اشوف موضوعه
وقرب خل روح الجرح يحكيلي وش اللي كان
ندى امطاري وغيومي تشيل الجرح واللوعه
تعال أخلي الأنهار تجري وينتهي البركان
تعال أضحك ولاهمك وأضمك في سما الروعه
ولاتنسى تناديني إذا زعلك أي انسآن
