|
رد: مؤهلي ثانوي صناعي وضايع!!
اقتباس:
المشاركة الأصلية كتبت بواسطة الدمام يونايتد
اخوي ماودي تتحطم والله
بس ياليت تتأكد هل الثانويه الصناعيه مفبوله ولا لأ
لأن كأني سمعت انها غير مقبوله
سامحني اخوي والله ما ودي احطم احد بس حبيت اكون صادق معاك
يارب تطلع مفبوله ونكسبك اخ معانا
|
من هالناحية متأكد ان مؤهلي غير مستبعد واليك الاقتباس التالي من موقع الجامعة
اقتباس:
الشهادات الثانوية المقبولة:
يقبل في نظام التعليم المطور للانتساب الطلاب والطالبات السعوديين ومواطني مجلس التعاون والمقيمين في المملكة الحاصلين على شهادة الثانوية العامة او ما يعادلها بتخصصاتها المختلفة (علمي – ادبي – تحفيظ القرآن – تجارية – علوم طبيعية – ادارية – شرعية – المعهد العلمي – الثانوية الصناعية – الثانوية الصحية – الثانوية الزراعية – ثانوية المراقبين الفنيين). كما يمكن قبول الطالب/الطالبة المنسحب من الجامعة والمطوي قيده من الدراسة الجامعية .
|
وهذا مصدره : http://www.kfu.edu.sa/ar/Deans/elear...ages/cond.aspx
وبالمناسبة انا ما عرفت هالنظام الا من واحد من الزملاء في العمل معي وهو متخرج من الثانوي الصناعي .
اقتباس:
المشاركة الأصلية كتبت بواسطة الدمام يونايتد
بالنسبه لإكمال الدراسه فهي مستحبه في شرعنا ووصيه نبويه قبل أن تكون وسيله لأي وظيفه
من أجمل المواقف التي مرت علي أني في يوم من الايام كنت اوصل عمة المدام واستغربت ان زوجتي طول
الطريق تسألها What Is Your Name ??
What Is Thes Culer ?? وشغلات كثيره بالانجليزي
وكانت متحمسه عمتها تجاوب وزوجتي تمدحها
بعد مانزلت اقول حق زوجتي ماشاءالله عمتك تعرف انجليزي
كانت المفاجأه بجواب زوجتي
قالت ايه اشلون بعد توها مخلصه اختبارات اول متوسط
وناويه تكمل الى الجامعه اذا الله عطاها عمر
تدري وين الشي الغريب ؟؟
ان عمتها عمرها 62 سنه
والأغرب من هذا كله
ان مافي احد من عيالها كمل الثانويه
وجالسه تدرس علشان تعطيهم درس بأن العلم ماله سن معينه واللي عنده هدف مو صعب يحققه
اسف على هالقصه الطويله العريضه
كل اللي بغيت اوصله لك اخوي
توكل على الله وانسى سالفة صعب وسهل وشوف اللي يفيدك والارزاق على الله
|
اخوي الدمام يونايتد تسلم لي ع الاطلالة وسرد هذه القصة والقصص في هذا المجال كثيره لعلي من احواج الناس لسماعها او قراءتها لإستثارة روح الحماسة والعزيمه لدي وهذا ما احتاجه في هذه الفترة ربما اكثر من اي شي آخر ..
الله يوفقني وياك يارب واشكرك جزيل الشكر اخي ..
|