|
رد: ،, فضفضـہ إلى "صديق"
هلا هلا  
اكملكم مكان ما وصلت .. نمت ومن بكره صحيت الصبح على صوت اخوي العصبي
على سالفة القعود إلا يذبحهه وعصب من عيال عمي وقال كيفكم لو تبون تذبحون قطوه
وكالعاده اخر وحده خلصت من تجميع اغراضها هي انا دايم كذا مدري ليه
وانطلقنا انا وخواتي الحسناوات العرب إلى موقع القاعه
لان الصالون هو إلي بيجينا مو احنا بنجييه عرفتوا .. وخلوني خواتي انا اول وحده مدري ليه ايضا
جيت ل الشعر كنت ابغى بوني تيل لكن إلي سوته لي خلته شي مدري وشو
خلته كانه مكنسة شعر وقالبينها ماااحبيته صرت كاني لولو
فكيته على طول وهنا جاني شعور ب البكاء لكن عجزت صراحه لاني كنت جوعانه
وما قدرت استخدم كذا شعور بوقت واحد
فقررت افك شعري واسوي تسريحتي المعتاده إلي بقص راسي لو رجعت سويتها
لكن مضطره ماعرفت تسوي إلي ابغى والوقت تأخر
جات القهوجيه ام راشد وما ادراك ما ام راشد تهاوشت مع الفلبينيه حقت القاعه
على سبة طاوله ضربت كتفها .. الله وكيلكم صاحت صيحة خلت قلبي يضرب بقفصي الصدري لمدة ساعتين
يقطع ابليسها مدري كيف طلع الصوت منها
ولا تقول انا صايمه تعبانه مصدعه اجل لو فاطره بتقتلعينا من جذورنا ياشيخه
طبعا انا معناه مع الكعوب إلى ان اموت
امشي مشية هيجاء قسم بالله وكل ما مريت من المدخل وعمتي فيه
قالت ب اعلى صوت يااااااو يابنتي قدش عرجاء صبحت العدو بقعاء
اكمل بكره بنام وحلفت إلا احط الرد تعبي مايروح هدر  
|