كلا منهما يكمل الاخر الحب والمودة والرحمة واجبة ومهمة في استمرار الحياة واستقرارها وكذلك وجود الابناء مهم فهم زينة الحياة الدنيا وماننكر ان الاب اذا تعلق في ابناءه زاد حب وغلاة امهم عنده

لكن ليش تفكرون ان الزوجين اذا ماكان عندهم ابناء انه مايستمر حبهم او يقلله..!

ماهو شرط ولا اساس فالسيدة عائشة رضي الله عنها كانت احب زوجات الرسول واقربهم الى قلبه وهي لم تنجب !

وكذلك في مجتمعنا كثير وكثير ازواج مارزقهم الله باولاد ولكن حبهم استمر وراضين بقضاء الله وربي بيرزقهم ان شاء الله في كثير ناس ا جلسوا عشر وتسع ولافكر الزوج يتزوج على زوجته ضحوا وصبروا كله من شان ان مايبغى اطفال الا من هالانسانة ومايبي يفقدها او يخسرها ووحدة اعرفها جلست اكثر من 14 سنة ولم يتزوج عليها زوجها بالرغم انه سبق له الزواج ولديه طفل ورغم كل الضغوطات عليه انه يتزوج لان المشكلة عند الزوجة مو عنده و ماتزوج وسبحان الله ربي اكرمهم وانجبت بعد هالسنين الطويلة
صبره وتضحيته هذاه مو دليل على حبه لزوجته وان بينهم مودة ورحمه جعلته يصبر ويتنازل هالسنين كلها ؟! مو معقولة ان هالوقت كله يجامل اش مصبره الا حبه والعشرة الطيبة المخلصة اللي بينهم وفي الاخير احنا مانعمم يعني القلوب مو سوى واذا الواحد تزوج عشان يجيله اولاد مو حرام وحقه بس مايصير نعمم ان اللي مايخلفون مايستمر حبهم او زواجهم هنا نقطة الاختلاف

و حكاية ان الوحدة تجيب درزن عيال عشان تحشر الرجال وتخليه مايفكر يلف يمين ولايسار معليش هذا فكر قاصر لان اللي مابحشم وبقدر طفل او اثنين او اي كان عددهم وامهم ماراح يقدر الدرزن على قولتك واللي يبي يتزوج على زوجته ومقرر صدقني لوجايبتله عشرة وهو صامل بسويها ولابرده لاعيال ولاغيره


وتربية الاولاد مو بهالسهولة الاطفال ياخذون من صحة الام وجهدها والاطفال يبيلهم تربية وتعليم ورعاية مو سالفة جب عيال وبس..(التربية صعبة )..