أهلا عزيزتي
أول شي عالبركة النجاااح وعقبال التخرج
بالنسبة للدكتورات
الفصل الدراسي الأول اللي يثبتون بالعادة
النحو : د. فوزية المزروع
الأدب بين القرنين : د. سهام سلامة
أدب أطفال : د . منى الغامدي
والباقي احتمال يتغيرون عليج لأن حنا اللي مسكونا معظمهم من الجداد اللي جوا هالسنة
في أسلوب : د. ناصر يعقوب ، إذا درسكم بتستانسين مرة لأن يحب رؤوس الأقلام بس ، مايحب الكلام الكثير
بلاغة نبوية : د. محمد الجمل ، مررررة المادة تجنننننن وهو مسهلها المذاكرة بس من المحاضرات
مدارس نحوية : د. رزان ، نفس الشي حلوة وتأشر معاكم بالكتاب
علوم لغوية : د. منى بشر ، مرة بتسهل المادة بس حاولي تكتبين معاها المحاضرات لأنها تفيد في الفهم
الفصل الأول معظم مواده أحسن لج تذاكرينها أول بأول خصوصا النحو ، الأدب بين القرنين لأن فيه كثيير أشعار
وبتكون عليكم كلها حفظ ، ود. سهام أسئلتها ممكن تجيب محاضرة كاملة
والأسلوب حسب اللي يدرسكم بس هو من المواد الطويلة يعني يبغالها مذاكرة
د. منى الغامدي حاولي تثبتين نفسك معاها بالمشااااااااركة قد ماتقدرييين وتكتبين معاها بعد لأنها تحب النشاط
د. منى بشر نفس الشي تحب المشاركة .
حتى المدارس النحوية فيها أسماء كتب كثييرة حاولي تذاكرين أول بأول
وجهزي نفسج لكثرة الواجبات والأبحاث بسنة رابعة لأنها بتكون مكثفة بشكل أكبر
الفصل الدراسي الثاني :
نفس الشي اللي يثبتون بالعادة :
نحو : د. فوزية
شعر حديث : د. سهام
نثر : د. منى الغامدي
نقد : د. مفيدة وأنا درسني د. ناصر بس شوفي أنت حسب شعبتج
نقد تطبيقي : د. حورية
أدب سعودي : م. عبير الجعفري ، م. منى الرشادة
أدب الخليج واليمن : د . حصة الدوسري بس مو شرط تثبت
طبعا هالفصل تزيد البحوث أكثر وأكثر ، ومثل ما أن تشايفة معظمه أدب ونقد
المواد اللي ركزي عليها النحو طبعا ، الشعر ، النقد ، النثر
بس مرررة ولله الحمد كان سهل وحلو
شدي حيلج وخلي ختامها مسك
والله يوفقج يالغالية