تبيني صدق والا ما تبيني
قبل لا ابهذلك وتبهذليني

وقبل لا افقد شموخي واحترامي
وقبل لا اشمت العذال فيني

انا داخل عليك من الفضايح
تبيني صدق والا ما تبيني

انا ماني بلعبه في يدينك
متى ما تعشقيني تعشقيني

ابيك ان كان جيتيني حبيبه
تجيني بصدق ولا لا تجيني

انا ما اجرح مشاعر من عشقني
ولا ارضى لي عشقتك تجرحيني

ما دام اني عطيت بكل قلبي
مثل ما عطيك من قلبي عطيني

واذا بعت العذارى واشتريتك
تبيعين الرجال وتشتريني

عشان اكون صادق لي عشقتك
و عشان اريحك واتريحيني

دخيل الله وقولي وبصراحه
تبيني صدق والا ما تبيني

انا ما جيت ابي العب وتسلا
انا جيت احتويك وتحتويني

تبيني مثل كل الناس والا
تبيني اقدرك واتقدريني

مثل ما استحملك لامن زعلتي
الى مني زعلت استحمليني

عرفتيني وانا رجال وافي
وانا وافي قبل لا تعرفيني

احب الصدق لو هو من عدوي
واعاف الكذب لو من والديني

مثل ما اقبل بليني وبشموخي
لو اكره رحت بشموخي وليني

اذا عن عاذلي ديني ودينه
واذا عن غيرتي دينه وديني

انا لي ثارت الغيره بقلبي
تقول الجن الازرق معتريني

ابي وانتي معي منتي لغيري
واذا كنتي لغيري جنبيني

اغيب وتذكريني بالحشيمه
ولا امرح في ذراك وتلعنيني

طويلين الشوارب ما احقروني
تبيني انتي تجين وتحقريني

اذا نفسي رضت لي بالمذله
ابذبحني قبل لا تذبحيني

مادام اني وفي كوني وفيه
لاني ما اخدعك ولا تخدعيني

انا لي اخذت قدري واحترامي
خذيني مثل ما تب تاخذيني

تبين بخوتي سيف(ن مجرب
واذا بمروتي ليث بعريني

فان الفيتني شهما شجاعا
فليس البر ان تستضعفيني

فاني ذقت بالالام ذرعا
وما في الغدر قمح يتقيني

اكف الدم لحزنا بعد حزن
عشقت القمعا حينا بعد حيني

لعمري كم حيوت الناس قلبا
وما في الناس قلب يحتويني

انا الحزن الذي لا حزن بعدي
ولا يغني حنين عن حنيني

فلا من كان قبلي كان قبلي
ولا من قد يليني قد يليني

انا المملوء حزنا وانكسارا
وما فرطت في عرضي وديني

انا المختال من فخري بفقري
وتبت كل عين تزدريني

انا من ذاق ملئ الارض هونا
وما اخضعت للدنيا جبيني

فان جاءت بي الاقدار يوما
اجوب الارض خوفا من انيني

فروفي واحفظي لي ماء وجهي
ولاتخشيني واخشي الله فيني

فلو اني رجوت الله شيئا
فارجوا الله ان لا تظلميني

علشان ان عشقت اعشقك كلي
ابيك كلك تجين وتعشقيني

فلا تقفي عيونك عن عيوني
ولا تدفي يديك الا يديني

اكون اقرب لقلبك من عروقك
واحسك بين شرياني وبيني

اسامح لك خطاك اليا خطيتي
وانا لا من خطيت تسامحيني

ولك مني عهد ما اصد عنك
وابي منك عهد ما تخذليني

عشان ابقى معاك العمر كله
واشيل محبتك برموش عيني

انا بحلف يمين اني لصونك
فلا اخونك ولا ارد بيميني..

وعساني للهلاك ان خنت
وانتي عسى الله يلعنك لو تتركيني