ملتقى طلاب وطالبات جامعة الملك فيصل,جامعة الدمام - عرض مشاركة واحدة

مجرم غلاء · 2015- 4- 13

اقتباس:

المشاركة الأصلية كتبت بواسطة keep calm

عفوا أخوي ..
ممكن اعرف انت باي مستوى ؟

وما فهمت ردك زين .. انت عالمنحه بعدين سحبوها منك ولا دخلت الكلية على حسابك الشخصي وقدمت على منحه وما انقبل طلبك ؟

لأن عندنا في الكلية الشباب الي دخل عالمنحه مستمرة معه الى الآن .. وفيه شباب ما انقبلوا عالمنحه فدرسوا اول ترم على حسابهم الخاص وجابوا معدلات مرتفعه ما شاء الله وقدموا طلب منحه بداية الترم الثاني ودفعوا فلوس والحمد لله قبل اسبوعين علقوا ورقة للطلاب الي انقبلوا ويوم الخميس - قبل 4 ايام من تاريخ اليوم - استدعوهم ورجعوا لهم فلوسهم الي دفعوها بداية الترم الثاني ..والطلاب الي للأسف ما قبلتهم المنحة كمان
علقوا ورقة ثانية منفردة عند مداخل الكلية والأقسام بضرورة مراجعة محاسب الكلية وتسديد الرسوم الدراسية .. وجمب الورقة الي فيها اسمائهم معلقين صورة الخطاب الي جاي من الادارة المركزية ويقولون فيه ان بعض المنح اتأخر النظر فيها وسبب التأخير من الوزارة نفسها ..

انا اول ترم درست ع حسابي .. وجبت معدل 3 ..

مع بداية الترم الثاني قالو انت مرشح لا تدفع فلوس ولا شي الحين .~

قلت كويس . وجيتهم قبل الاجازة الي طافت هذي بفترة وسئلة انا ع المنحة يقولون ايوة خلاص .؟!

والي اكد لي كلامهم صديقي معدلة 2.88 ودفع هوا فلوس الترم ذا 13 الف نص المبلغ يعني .~

ورجعو فلوسة رحت اسئلهم واستفسر منهم قال انت ع المنحة .. خلاص . . و زي ما قلت لك
(معدلي 3 . وصديقي 2.88 ) فهذا شي خلاني اتطمن ان ع المنحة وخاصة يوم رجعو فلوسة .~

وتفاجئ يوم الخميس الي راح . انهم يقولو ماعاد فية منحة . من قبل الوزارة حنا ملنا شغل .~

ادفع فلوس الترم .. فـ يعني ما صرت اعرف ولا عندي شي يثبت اصلا انهم قبلوني ع المنحة او لا
وهذا خطى مني لاني مشيت ع كلامهم . والله اعلم . ،
ودخلت ع تويتر اشوف الهشتاق ولاحظت ان فية كثير كمان صار معاهم هيك .~

وبسسسس . هذا الي . صصار . معـاي .. :)