شكراً جميعاً لتفاعلكم معي ....
في البداية يصادف ان المرشدة الاكادمية اللي يندرج اسمي تحتها هي نفسها المعيدة , بعد ما فكرت فيخا هي على الارجح اخذت كلامي في المرة اللي كلمتها على أني اكلمها لانها اللي ماسكة المادة ..... و ما اتوقع رايها راح يتغير سواء كلمتني كمرشدة او مدرسة المادة , هي كانت واضحة لما تكلمت على أنه ما لها شغل بالموضوع هذا بالنسبة للنظري.
بالنسبة للعملي استاذة كريمة جدولها ما فيه شي اسمه ساعات مكتبية أشوفها خلالها و كله عملي × عملي , و دايماً لما اروح اوقف عند مكتبها بين محاضراتي لدرجة احياناً اوقف لمن موعد المحاضرة الثانية يعني من ربع إلى نص ساعة لكن ما احصلها حتى لو ما عندها محاضرة حسب جدولها , و في المحاضرة العملي أنسى لأني أركز على الدرس و هي على طول بعد معملنا تمشي فما يمديني أتذكر أن هي في وجهي المفروض اكلمها إلا و خلاص هي محد ... و اخاف اقاطعها في المعامل الثانية و زي ما يصير في اي احد يقاطع " تعالي لنا في وقت ثاني عندي محاضرة الحين " .... و متى هالوقت الثاني !?
بالنسبة لرئيسة القسم فانا ما اعرفها ... و لا شفت من قبل مكتبها أو شي زي كذا .... و سبق و ان قلت ما عندي خلفية كبيرة و لا حاولت تصير عندي كوني ما أضطريت يوم. للتعامل مع أي موقف يتطلب شي زي كذا. و لا توقعت اني أطيح في واحد حتى ...
كنت دايم أتدبر عمري بنفسي من دون ما أحتاج لأحد او أكلم أحد. ...
و سالفة اعذار من المستشفى ما أقدر لعدة اسباب و منها وسيلة النقل لانه هي بعد تعتبر بعيدة عنا ... و انه الوقت فات فمات كيف اجيب عذر ليوم ما راجعت فيه المستشفى ( و حسب علمي. لازم نراجع المستشفى في نفس اليوم لحتى يعطونا عذر عليه ) + في أحد قالي من قبل انه لازم اوراق من الجامعة و خربطة علشان المستشفى الحكومي تعطينا عذر ...
:o عموماً الله يعطيكم الصحة و العافية جميعاً ... و يا رب يسهلها علينا و عليكم ....