|
.. ~~ { لوكان أشوفه من الجمعة إلى الجمعة } ~~ ..
[align=center][table1="width:100%;background-color:skyblue;border:4px double black;"][cell="filter:;"][align=center]
،،
تكفون يلي تشوفونه أبي شوفه ... كيف الصبر .. لامشاهدته ولا سمـّـعه
مشرفٍ راس عيطاً غير مشروفه ... يوم القمر له سفر والنجم له لمعه
تقول عيني على لاماه مطروفه ... كني بها تدرِج الدمعه ورى الدمعه
خلوني أحب خشمه والمس كفوفه ... لوكان أشوفه من الجمعة إلى الجمعة
ياجعلي اسابقه للموت واطوفه ... محبةٍ فيه .. لاخذله ولا رمعه
تلقى مزاياه بين الأسم وحروفه ... وعلى الفتن لاخلا ضربه ولا قمعه
قصايدي فيه لاكبره ولا زوفه ... وفي غيره الشعر كن إيديه منزمعه
جمايله ثوب كاسيني ومعروفه ... بشتٍ على الكتف ومجالسته الطمعه
ماذِكر عند العرب بخله ولا خوفه ... حتى كلامه معي يزيدني سمعه
يخـّجـِـل كرمه الرعد والبرق وقنوفه ... كنه ربيعٍ عليه الناس مجتمعه
. [/align][/cell][/table1][/align]
|