يامرحبا بكم


(( عروس الاشعار))

22 سنه


طالبه بكلية المجتمع


شاعره وكاتبه ورسامه


انشر بجريدة اليوم بالاسم الصريح نادرا ماانشر باللقب هذا


وهذي قصيده لي نشرت بجريدة اليوم




اتمنى انها تحوز على رضاكم




الشعر عندي له بروقن تلالا
فوق السما نهجي مع النود سامي

اروّض القيفان جد وجزالا
وبالطيب افرض ع الملا احترامي

بنتن وانا نسل القروم الرجالا
وقت الشدايد ايه اشد الحزامي

ماهمني هرج الرخووم الحثالا
قولي وانا قلته وقد ه كلااااامي

ليه الكبر ياللي علينا تعالا
دام الكبر لله عظيم المقامي

واللي يهز جذوع نخلن تمالا
علـّه يلاقي منـّـها رطب شامي

اهون من اللي لاضمى فز حالا
والحقد ساكن بين هاك العظامي

هذا الذي سوّى خبيث الفعالا
سهمه رماني به ولاهو برامي

ما يدري اني لو بغيت بسهالا
تجيب راسه نظرةٍ من سهامي

ياللي قريت القاف هااك الرسالا
قله تراها بنت ابووها العصامي

عاشت ابيـّه شامخه ولاتزالا
اكسر خشم منهو يوقف امامي

أسيّر سيوفٍ عليه اتتالا
يتعب ولا حصل عليه اهتمامي

سار القلم ماطاق فيه احتمالا
وغصبٍ علي حرفي اجرّه الزامي




بوووح (( عروس الاشعار ))