2010- 7- 8
|
 |
أكـاديـمـي مـشـارك
|
|
|
|
مجنون ليلى
[align=center]
ياسعد وش شاف مجنون ليلى بالغرام
أشهد انه وان بلي بلوته ياهونها
ياسعد ليلاه وان مات فيها مستهام
تدري انه بالهوى ياسعد مجنونها
المصيبه من غدى ميت له كم عام
عشقته ماتدري انه قتيل عيونها
قرهدت نفسه عليها ومر الكبد زام
ودوك قلبه ياسعد مزعته طعونها
ياسعد والله يالولا الحيا واخشى الملام
والقرابه والحيا والهوى وجفونها
لانهبه وانحاش واجلى جنوب ديار يام
ما يردن لو وقف جيش هتلر دونها
ياسعد راع الهوى بالهوى لاضيم شام
مايرده طول بيبانها وحصونها
وان غوى راع الهوى في هواها مايلام
لاجتمع غبن الزمن ياسعد وغبونها
وياسعد والله فلا اسلى هواها لاحرام
لو يلوح الشيب في لحيتي وقرونها
وخذ وصاتي ياسعد وصله بنت الحشام
ذي وصاتي كان غيري غدى مظنونها
لا شرت ثوب الفرح تشتري لي باع خام
يدفنوني ليلة العرس ويزفونها
[/align]
|