ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام الموضوع عشانكم مو عشاني للأهميه

لينداوي · #1 2015- 4- 22

السلام عليكم ورحمة الله وبركاته
أسعد الله أوقاتكم بكل خير
ابي أقولكم شي من زمان وأنا افكر فيه لكن هل هو صحيح ولالا

الحين المبالغات الزايده وتكبير المواضيع وتحجيمها ايش استفدنا منها

ممكن كلامي يزعل بعض من البشر لكن أسلوب التخويف والترهيب لماذا

مع العلم ان البعض لما يتكلم يعطي نظره شامله من خلال تفكيره هو فقط

نجي الحين للوقت هذا مثلا

الدكتور غير متفهم الدكتور أسئلته صعبه

المنهج صعب الاسئله حقت العام كذا وكذا ونقيس على هالامور

يعني البعض مسكين موب فاهم شي وجالس يقرا المواد او يستطلع عليها يجيك احد يخش بموضوعه أنا حامل الماده وانتبهوا وترى المقرر لازم تذاكرونه من زمان

ليش كذا ليش احنا دائما هذا أسلوبنا وطريقتنا في الحوار

كلنا نمر بضروف صعبه سواء بيت او اطفال او وضع صحي او دوام

وكلنا هنا ماجينا الى نبي الشهاده او رتبه او لأي ظرف طارئ في الحياة

ابعدوا منكم التشائم

أسعى ياعبدي وأنا أسعى معاك خلوا منا السلبيه رجاااااااء ياأخواني وأخواتي

كل واحد يعطي أخوه وأخته في هذا المنتدى المبارك بوووووش يدفعه للحياة لأن بعضنا عندنا مايحطمه سواء أهل أو اصدقاء أو حتى أعداء

مع العلم لحد يقولي دافوره على الله ثم على جهود أخوانا الله يكتب لهم الجنه ومثلي مثلكم أذاكر اما في نفس اليوم او مثل وقت الزنقه الحين

رجاء ركزوااااا وجدوا واجتهدوا وقولوا للي حولكم ستووووب جاء وقت الجد وقت الحصاد أي معلومه سلبيه تلقاها ذهنك لأي ماده اخسرها أرميها

احنا لو اننا بشر متساوين كان حتى درجاتنا كانت وحده لكن العقول تتفاوت

وما وصلنا الى هذه المرحله الى أن الله زكانا بعقول قادرين انا نتخطاها بمشيئة من عند رب العالمين
سوو اللي عليكم والباقي اتركوه للي ماتنام عينه

بقولكم للفائده طريقة مذاكرتي أسأل الله فيها الأجر والثواب من عنده
اول شي احدد الماده اللي بذاكرها

ادخل الملتقى هذا المبارك اللي فيها جهود الطلبه نعجز نشكر فيهم بيض الله وجيهم والله يضلهم بضله ياكريم يوم لاضل الى ضله

اخذ نبذه سريعه عن الماده

احمل من هنا الملازم

ابدا اذاكرها وادخل المواضيع اللي تخص هالماده

اختم عليها اقل شي امسكها يويمين وهنا السر تفرغ تاااام لها

نرجع نمسكها وقت الاختبار مذاكره ايضا جديه مع حل الكويزاااااات هنا ةهذا سر النجاح الثاني

وأعتذر على الأطااااله الله يوفقنا ويوفقكم جميع ويحقق طموحاتنا الله كريم

التفااااااااااااااااؤل الله هالله فيه

ترى كلناااااا بننجح ما أحد جالس في هالمستوى كلنا بنطلع طلعه لمستوى خامس بأذن الحي القيوم

تمنياتي لكم بدوام الصحه والعافيه في رعاية الله